Atualità

Scora / Cultura | 11.04.2005 | 17:29

Le cor “Raiëta” davagna al festival di cors tla Svizra

USP - Tratan la pröma sëra de seleziun pro le “Festival da Chors” tignida en domënia, ai 10 d’aurì 2005 a Rueun tla Svizra rumancia à le cor dles ëres “Raiëta” da La Val albü n gran suzès. L’assessur ladin Florian Mussner che ê a Rueun cun la delegaziun ladina de Südtirol à podü ti fà sües mius congratulaziuns ales bones ciantarines da La Val.

Le cor “Raiëta” y l’assessur provinzial Mussner al festival di cors tla Svizra
L’assessur provinzial por la Cultura ladina Florian Mussner à podü ti fà n gran aplaus al cor dles ëres ladin che à davagné tl Ćiantun di Grijiuns la pröma seleziun dl’ediziun 2005 dl “Festival da Chors“, na manifestaziun che vëgn metüda a jì tl cheder dla colaboraziun di Ladins de Südtirol cun i Retoromans dl Ćiantun Grijun. Chësc festival por cors é gnü organisé dala „Radio e Televisiun Rumantscha „ y dala „Lia Rumantscha“. Dl cor dles ëres „Raiëta” che é gnü metü sö tl 1990, fêjel pert 27 ćiantarines danter 13 y 65 agn. Śëgn va la gara inant cun la secunda roda: di 26 cors en competiziun n’él restè 11 plü chël da La Val che se mosorarà ai 8 de mà a Vella tla Svizra. Te chësta ocajiun gnaràl chirì fora les cater formaziuns che podarà tó pert ala finala ai 29 de mà 2005 a Turic. La finala gnarà inće trasmetüda dal vì sön le SF1.

USP

Galaria dales fotografies

Le cor “Raiëta” y l’assessur provinzial Mussner al festival di cors tla Svizra

D'autri comunicac de chësta categuria