Atualità
Assegnaziun di posc de rode y lëdi por l’insegnamënt tles scores ladines
Ai 11 d’agost 2005 dales 9.00 inant gnaràl assegné tl’Intendënza ladina, Bindergasse 29, a Balsan i posc de rode y lëdi por l’insegnamënt tles scores ladines tratan l’ann de scora 2005/2006.
L’Intendënza ladina lascia al savëi che le terminn por stlüje jö i contrać de laûr nia a termo (rode) y por l’assegnaziun di posć lëdi sön la basa di concursc y dla gradatöra permanënta sarà ai 11 d’agost 2005 dales 9.00 inant tl’Intendënza Ladina, Bindergasse 29, a Balsan. Dales 9.00 gnaràl partì fora i posć lëdi tles scores elementares. Dales 9.30 inant gnaràl assegné i posć lëdi y les catedres a tëmp parzial tles scores mesanes y altes. Dötes les porsones interessades é inviades a tó pert. L’invit vel tl medemo tëmp por chëstes tlasses de concurs: SCORA MESANA Talian, todësch, cunć, ladin, inglesc, educaziun artistica, educaziun tecnica, musiga, sostëgn. Catedres a tëmp parzial: musiga, educaziun tecnica. SCORA ALTA Fotografia y grafica publizitara, tecnica aziendala y comerziala, dessëgn geometrich y architetonich, ert plastica, dessëgn y storia dl’ert, lingaz y leteratöra taliana, cunć, matematica aplicada, matematica y fisica, lingaz y cultura ingleja, materies leterares por todësch, sciënzes naturales, chimica y geografia, storia dl’ert, lingaz y cultura ladina. Catedres a tëmp parzial: matematica aplicada, materies iuridiches y economiches, lingaz y cultura ingleja, lingaz y cultura spagnola, geografia, matematica y fisica, materies leterares por todësch.USP
