Atualità
I comuns ladins mët a jì ai 6 de setëmber n convëgn sön so dagnì
USP - “Identité, profescionalité y svilup“, insciö à inom le convëgn che vëgn invié ia ai 6 de setëmber 2005 te Sëlva. Danter atri sarà presënc le presidënt dla Provinzia Luis Durnwalder, so colegh dal Trentin Lorenzo Dellai, l’assessur Florian Mussner y l’assessur dla Regiun Veneto Oscar De Bona.
En mertesc, ai 6 de setëmber gnaràl tignì en convëgn te Sëlva sön le dagnì di comuns ladins. Chësc convëgn metü a jì dala Provinzia de Balsan, dala Provinzia de Trënt y dala Regiun Veneto gnarà daurì dales 9.00 dal salüt dl Presidënt dla Provinzia Luis Durnwalder, dl Presidënt Lorenzo Dellai, dl assessur Florian Mussner y dl assessur dla Regiun Veneto Oscar De Bona. Dales 10.30 gnaràl portè dant laûrs d’inrescida che reverda le tema dl’ “Identité, profescionalité y svilup“. Ara se trata di laûrs de Nadio Delai y Mauro Marcantoni de Südtirol, de Anna Povinelli y Mauro Frisanco dal Trentin y de Ulderico Bernardi y Sergio Trevisanato dala Regiun Veneto. Ala fin dla presentaziun di resultać dl’inrescida él sön le program na discusciun.I massmedia é invià a tó pert al convëgn di comuns ladins
an mertesc, ai 6 de setëmber 2005 dales 9.00 ales 13.00
tla Cësa de Cultura “Oswald von Wolkenstein” te Sëlva.
USP
