Atualità
Studënc dl’università de Bulsan se tol a cuer la cultura ladina
USP - Ntan na escurscion tla Val Badia à i studënc da oradecà dl’università de Bulsan pudù se fé n prim cheder sun la cultura ladina. La jita ie unida sustenida dal Assessorat ala Cultura Ladina. Cuntribuì al program culturel à l Museum ladin, l Istitut Micurà de Rü y la Repartizion ladina dl’università.
Sota n bel ciel brum, cun vista sun nosc biei crëps che ie l sëni cararteistich de nosta valedes, à i studënc abù l’ucajion de mapré a cunëscer la maniera de viver, la rujeneda y la cultura ladina. Ntan la escurscion tla Val Badia à i studënc che ie da cësa ti raions da mont dla Macedonia o dla Cecenia pudù paradlé la Val Badia y si ncësa. Tl museum ladin a San Martin de Tor ti iel unit purtà dant la storia, la cultura, la tradizion y la usanzes di Ladins. Aspeć nterssanc sun la maniera de viver di Ladins ti ie unic cuntei dal prof. Paul Videsott che i à menei tres la tipica viles tla Val di Murins. Al assessëur Florian Mussner ti fej l nteres di studënc ala cultura ladina scialdi plajëi. “Tres escurscions pudons ti purté nosta cultura plu daujin ala jënt.” Nfin à i studënc monce pudù ciarcë vel’spezialità ladina a Mantëna.
USP
