Atualità
Prima la musica, nce pesc' te Gherdëina
USP – Danter i premiei dl cuncors “Prima la Musica” a Dispruch, se à nce doi ensambles dla Scola de Mujiga de Gherdëina fat unëur. Dla valeda ladina iel unì premià trëi sculeies al flaut, un dal’armonica y cinch che sona la perscuscion.
Prima la musica ie per i muiszisć jëuni dl Austria y dl Südtirol for inò n mesun per se museré y per udëi l livel arjont. L mpëni de na majera preparazion y tenscion à nce prutà i fruc per la Scola de Mujiga de Gherdëina. Pra l finale a Dispruch à de ndut nuef sculeies de Gherdëina pudù purté dant si pec giapan recunescimënt y lauda.
Da canche l cuncors se à svilupà a n auncunteda de cunsulënza y luegia per udëi l livel arjont, iel per i musizisć jëuni nce n’ucajion de mparé y unì a cunescënza de aspec nueves dla mujiga de bon livel.
La scoles de mujiga, l conservatorio y l scoles autes per mujiga à purtà i jëuni a n bon livel y chësc svilup ie mo jit inant, nscì l assessëura ala cultura Sabina Kasslatter Mur.
La scola de Mujiga de Gherdëina à venciù doi iedesc n terzo pest: cun l ensamble „QUERHARMONIE“ (mujiga da camera) cun Valeria Mussner, Stefanie Messner, Deborah Moroder che sona duc trëi l flaut y Dominik Insam, armonica. L "PERCUSSION ENSEMBLE“ (mujiga da camera) à abù suzes cun Manuel Mair am Tinkhof, Fabian Bernardi, Philipp Delazer, Erwin Tröbinger, Dominik Demetz, duc ala perscuscion.
as
