Atualità
Di dla Scola Ladina ai 5 de setëmber
USP - Ai 5 de setëmber 2008 uniral tenì l tradizionel di dla Scola Ladina tla “Cësa dla Cultura Luis Trenker” a Urtijëi metan man dala 9 danmesdi. L Assessëur Florian Mussner purterà dant la nuviteies plu mpurtantes n cont dla politica scolastica tl raion ladin.
Te chësta ucajion uniral lecurdà l anuel di 60 ani dala Istituzion dl model paritetich tla scoles dla Val Badia y de Gherdëina. L fova avisa l 27 de agost 1948, canche ie unì dat ora l Decret Ministeriel che ti dajova la fundamënta legala al urdinamënt paritetich dla scoles di luesc ladins. La storia netnia saurida de coche la ie unida a se l dé che la valedes ladines à giapà n model scolastich tan particuler unirà lecurdeda n chësta ucajion dal Ntendënt Roland Verra.
L Assessëur Florian Mussner purterà dant la nuviteies plu mpurtantes n cont dla politica scolastica tl raion ladin. L referat prinzipel unirà purtà dant dal Ispetëur scolastich Raffaele Iosa che se dajrà jù cun l tema dl nseniamënt te nosc tëmpes danter dimescion locala y globala. La grupa de sculeies “Cominais” dl ITC Raetia de Urtijëi sunerà danterite per acumpanie musicalmënter la manifestazion.
N gaujon de chësta ancunteda uniral nce spartì ora la edizion nueva dl sfuei “Aules” dla Scola Ladina sun l argumënt “Les mendranzes tl dialogh intercultural”.
L “Di dla Scola Ladina” ie daviert a dut l personal dla scola y scolina y vën recunesciù ai fins dl ajurnamënt.
I rapresentac di media ie nviëi
al „Di dla Scola Ladina“,
n vënderdi ai 5 de setëmber 2008, dala 9 danmesdi
tla “Cësa dla Cultura Luis Trenker” a Urtijëi
y nce de l dé tres.
SAN
