Atualità
Assessëur Mussner: „Reflescion per cialé inant“
USP – „L di nternaziunel dla rujeneda dl’oma, dumënia ai 21 de fauré pieta ucajion per fé na reflescion sun l valor y senificat dla rujeneda ladina per cialé inant pian via da nosta identità y cultura“ nsci l assessëur provinziel ladin Florian Mussner che tol posizion al di nternaziunel fajan referimënt ala valorisazion, l respet, la tradizion y la legrëza per la rujeneda ladina.
„L fin de chësc di nternaziunel ie dantaprima chël de reflescion sun l valor dla pitla rujenedes“ dij l assessëur provinziel y regiunel ladin Mussner. Na rujeneda ie deplù che me n mesun per se fé capì, na rujeneda ie nce pert de nëus nstësc. Nëus son cresciui su y cresciui adum cun la rujeneda dl’oma, che nes à tëut su te nosc prim ani de vita.
La rujeneda dl’oma se merita dantaprima valorisazion ti raporc plu strënc te familia, ma pona dadedò nce te scola, tla cumenanza y tla vita publica. Sce nosta rujeneda ladina à vissù y se à svilupà per passa 2000 ani iel sëni che la jënt ladina se à daniëura identificà limpea y ne se à nia lascià sfurzé su n auter lingaz. La formes de esprescion culturela ie unides sustenides. Les ie de valor ajache les porta na gran varietà te duta la valedes ladines, metan man dai mëndri luesc.
„Da na rujeneda de mendranza pudons mparé saurì nce d’autra rujenedes“ dij l’assessëur Mussner. I resultac di ejams de bi- y trilinguism publichei da permò desmostra inò n iede che i ladins à mo na miëur cumpetënza tl mparé d’autra rujenedes permez al’autra doi grupes de rujeneda. Chësc bon livel se damanda n sistem scolastich aldò y n vester davierc culturalmënter.
Dai autri se damandons respet per la mëndra rujeneda provinziela y sustëni per arjonjer chël che se damandon. Ma nce te nosta mendranza, bele te nosta provinzia muessa mo crëscer l’union y la solidarietà per arjonjer l drë recunescimënt che se meriton sciche plu vedla rujeneda provinziela.
Avëi cuscienza te nosta tradizions linguistiches y cultureles ie de gran mpurtanza, sorissea Mussner. „La rujeneda ie l mesun plu mpurtant per mantenì nosta ravises y per svilupé inant nosta cultura“ sorissea l assessëur ladin. La rujeneda ladina cun si idioms ie la rujeneda plu vedla y plu pitla te nosta provinzia, perchël ie debujën che i ladins nstësc y nce si ujins la defënde.
„Messon se tò a cuer de rujené na bela rujeneda y nce de l’adurvé for de plu. Ma tl medemo tëmp vala nce de vester toleranc per defrënzes cultureles permez a d’autra grupes de rujeneda, metan a jì n dialogh“ nsci Florian Mussner. De chësc viers ie i ladins dessegur de ejëmpl: n pert ai messù se giaurì a d’autri, n pert à nce chësta capazità.
„Cun nosta rujeneda dl’oma dasson avëi legrëza“, mët Mussner a cuer. „La ne ie nia me n mesun per se dé da ntënder, ma na pert de nëus nstësc y esprescion de nosta cultura“, nsci l assessëur ladin per l di nternaziunel cunedì dal’UNESCO.
La rujeneda dl’oma se merita dantaprima valorisazion ti raporc plu strënc te familia, ma pona dadedò nce te scola, tla cumenanza y tla vita publica. Sce nosta rujeneda ladina à vissù y se à svilupà per passa 2000 ani iel sëni che la jënt ladina se à daniëura identificà limpea y ne se à nia lascià sfurzé su n auter lingaz. La formes de esprescion culturela ie unides sustenides. Les ie de valor ajache les porta na gran varietà te duta la valedes ladines, metan man dai mëndri luesc.
„Da na rujeneda de mendranza pudons mparé saurì nce d’autra rujenedes“ dij l’assessëur Mussner. I resultac di ejams de bi- y trilinguism publichei da permò desmostra inò n iede che i ladins à mo na miëur cumpetënza tl mparé d’autra rujenedes permez al’autra doi grupes de rujeneda. Chësc bon livel se damanda n sistem scolastich aldò y n vester davierc culturalmënter.
Dai autri se damandons respet per la mëndra rujeneda provinziela y sustëni per arjonjer chël che se damandon. Ma nce te nosta mendranza, bele te nosta provinzia muessa mo crëscer l’union y la solidarietà per arjonjer l drë recunescimënt che se meriton sciche plu vedla rujeneda provinziela.
Avëi cuscienza te nosta tradizions linguistiches y cultureles ie de gran mpurtanza, sorissea Mussner. „La rujeneda ie l mesun plu mpurtant per mantenì nosta ravises y per svilupé inant nosta cultura“ sorissea l assessëur ladin. La rujeneda ladina cun si idioms ie la rujeneda plu vedla y plu pitla te nosta provinzia, perchël ie debujën che i ladins nstësc y nce si ujins la defënde.
„Messon se tò a cuer de rujené na bela rujeneda y nce de l’adurvé for de plu. Ma tl medemo tëmp vala nce de vester toleranc per defrënzes cultureles permez a d’autra grupes de rujeneda, metan a jì n dialogh“ nsci Florian Mussner. De chësc viers ie i ladins dessegur de ejëmpl: n pert ai messù se giaurì a d’autri, n pert à nce chësta capazità.
„Cun nosta rujeneda dl’oma dasson avëi legrëza“, mët Mussner a cuer. „La ne ie nia me n mesun per se dé da ntënder, ma na pert de nëus nstësc y esprescion de nosta cultura“, nsci l assessëur ladin per l di nternaziunel cunedì dal’UNESCO.
as
Galaria dales fotografies
Florian Mussner: „Cun nosta rujeneda dl’oma dasson avëi legrëza“
