Atualità
Borses de studi y pesc’ per studënc: dumandes nchin ai 7 de auril
USP – Studënc à mo dl’aurela nchin ai 7 de auril per damandé ala Provinzia de Bulsan borses de studi y pesc’ per l rendimënt ntan l ann academich 2009/2010.
Per na borsa de studi possa damandé studënc che ie tl lëur de studië te na strutura universitera o te na scola auta spezialiseda y che à arjont resultac de livel aut ntan l ann academich 2008/09.
Cun n pest vën nce unerei chëi che à arjont na bona valutazion finela. Udù dant iel n pest per 40 studënc che à finà via n studi de almanco cater ani cun na valutazion dassënn bona. Mplu muessa chisc studënc nce vester jic inant a studië. La borsa de studi y l pest ie chëst ann unì auzà a 1.140 euro.
Per la bores y l pest de studi possen fé dumanda nchin ai 7 de auril 2010. La dumandes possa mé unides mandedes ite te forma digitela tres la plata web www.provinz.bz.it/egov/studienfoerderung . Do avëi mandà ite na tel dumanda giaten na cunfermazion tres e-mail, che segura nce che la dumanda ie fata sciche l toca.
Studënc che damanda per l prim iede cuntribuc possa tl Ufize per assistënza scolastica, tla streda Andreas Hofer 18 a Bulsan, se damandé de persona n cont persunel cun inuem y parola tle per pudëi fé la dumanda online. Tlo muessen mustré dant la cherta de identità, la cherta cun l numer dla chëutes y n’adres e-mail. Nfurmazions plu avisa possen nce damandé do al numer de telefonn 0471 412 947 o 0471 412 946, ma nce tres e-mail (hochschulfoerderung@provinz.bz.it). La cuncors cun nfurmazions plu avisa ie nce publicà sun la plata www.provinz.bz.it/bildungsfoerderung .
as
