Atualità
Furmazion prufesciunela: cudejiei nueves
USP – Per se fé n cheder dla vela de cursc de furmazion prufesciunela iel tla Repartizion provinziela cudejiei nueves dan man.
La vela de cursc prufesciunei y cursc da moster per l ann de scola 2010/11 vën prejentei ti cudejiei nueves dedichei ai ciamps dl fier, mecanicher, eletrotecnica y eletronica; - nstalazion, frabiché y lën; - hotel y alimentazion, cumerz; - aministrazion y floristica; - grafica, media y artejanat artistich. D’autri ciamps ie ne la sanità y cura dl corp; - cumpaniamënt, educazion y cura, ma nce lauré sun l computer. Da nuef iel chëst ann cursc per persones cun bujëns ndividuei. Chisc cursc ie da liejer do tl cudejel sun “lëur, comunicazion, computer y dumanda per stiera – cunëscer forzes y les nuzé”.
Cun chësta publicazions nueves iel nce da udëi che la Repartizion per la furmazion prufesciunela tudëscia y ladina pieta la majera vela de chësta furmazion tla provinzia. Ntan l ultimo ann de scola ie unì fat 616 cursc cun 7700 partezipanc.
“Per chëi che uel se spezialisé te si lëur, jì do a n auter mestier, fé na furmazion nueva y giapé n urientamënt nuef, ie i cudejiei nueves la drëta” sorissea l diretëur de ufize Peter Duregger.
I cudejiei possen se fé de tla Repartizion per la furmazion prufesciunela tudëscia y ladina, streda Dante 3 a Bulsan, tel. 0471416919 o tres web al www.provinz.bz.it/berufsbildung. La prejentazions di cursc ie nce da giapé tla scoles prufesciuneles y te majera pert dla istituzions provinzieles.
as
