Atualità
Domandes de contribuc por la cultura ladina c'ina ai 31 de jenà dl 2011
USP - Les domandes por n contribut provinzial por l'ativité culturala 2011 y l'ativité de formaziun en general, mëss gnì dades jö c'ina ai 31 de jenà dl 2011: chësc lascia al savëi l’Assessorat provinzial ladin adöm cun la Consulta culturala provinziala por le grup linguistich ladin. Les domandes por i contribuc' por i investimënc' culturai po gnì fates tratan döt l’ann.
Inće chësc ann él la poscibilité da dè jö les domandes por n contribut cultural tles valades ladines diretamënter a n colaboradù/na colaboradëssa dl Ofize Scora y Cultura ladina, y da damanè inće do informaziuns. Chësc sorvisc vëgn pité por les lies de Gherdëna, ai 31.01.2011 dales 16.00 ales 18.00 tla ćiasa de comun de S. Cristina (pice salf de comun), y por les lies dla Val Badia ai 28.01.2011, danmisdé dales 10.00 ales 12.00 tla ćiasa de comun de Mareo, y domisdé dales 16.00 ales 18.00 tla ćiasa de comun de Badia.
Les domandes ti po sambëgn inće gnì ortiades por posta ala Provinzia Autonoma de Balsan-Südtirol, Ofize cultura y scora ladina 18.1, Bindergasse 29, 39100 Balsan.
I formulars dles domandes é da ciafè sön la plata internet www.provinz.bz.it/cultura-ladina o tl Ofize cultura y scora ladina, Bindergasse 29, Balsan, Tel. 0471-417020/10.usp
