Atualità
Maxi Obexer lî ai 28 d’aurì dl 2011 tla Teßmann
USP - La Biblioteca provinziala Dr. Friedrich Teßmann y la ciasa edituria Folio inviëia ala letöra d’autur cun Maxi Obexer. Ai 28 d’aurì dl 2011 lî l’auturia fora de so romann „Wenn gefährliche Hunde lachen“, che é impormò gnü publiché dala ciasa edituria Folio.
Maxi Obexer é nasciüda a Porsenù dl 1970. Ara scrî tòć de teater, tòć radiofonics, cunties, y essays y laôra sciöche rejissera y dramaturga. Al momënt éra visiting professor de scritöra de scenes al’Université d’ert de Berlin.
Le liber: Helen, na jona dla Nigeria, chir so tru devers na vita lëdia y de autoderminaziun, che ara arata de ciafè tl’Europa. Chësc iade devënta n ri sonn – canche ara röia adalerch vëgnera umiliada. Maxi Obexer ti la vega te so pröm romann da ti jì pormez a n tema atual: la migraziun por cuntè de incherscimun y ingianades y por sperè te n post impormetü – rapresentè cun sensibilité y coraje leterar.
Letöra d’autur: Maxi Obexer lî fora de so romann nü „Wenn gefährliche Hunde lachen“
Introduziun y discusciun: Marion Piffer-Damiani, Karin Dalla Torre, Ludwig Paulmichl
Can: en jöbia, ai 28 d’aurì dl 2011 dales 8 da sëra
Olâ: Biblioteca provinziala Dr. Friedrich Teßmann, str. Armando-Diaz 8, Balsan
usp
Galaria dales fotografies
