Atualità
Ndicazions nueves per i curricula di istituc tecnics ladins
USP – La Jonta provinziela à dat pro la ndicazions provinzieles nueves aldò de chëles che i istituc tecnics economics dla valedes ladines possa anjenië i curricula per la terza, cuarta y cuinta tlas.
La ndicazions nueves, dates pro dala Jonta sun pruposta dl assessëur Florian Mussner, reverda de plu materies che ne fova nia unides delibredes de dezëmber 2010. Per la sezions de aministrazion, finanzes y marketing se tratel de geografia economica, tecnologies dla nfurmazion y comunicazion, economia aziendela, dërt y economia politica. Per la sezion turistica dl Istitut tecnich, reverda la ndicazions nueves la matereis aziendeles y turistiches, georgafia turistica, dërt y legislazion turistica, ert y raion.
Do l bënsté dla Jonta provinziela, unirà chësta ndicazions mo prejentedes al Cunsëi naziunel dla publica istruzion (CNP) che muessa de ju na minonga. La scoles ladines messerà lauré ora i curricula aldò dla ndicazions provinzieles.
as
