Atualità
Ncuei dala 10.00 menut de chiet per l atentat a Brindisi
USP - Ncuei ai 21 de mei vëniel dala 10.00 tenì n menut de chiet te duta la scoles dl Südtirol. Cun chësc menut de chiet uel l mond dla scola dé esprescion de solidarietà de viers dla vitimes dl atentat a na scola a Brindisi y cundané uni sort de viulënza.
Sun scumenciadiva di assessëures ala scola Florian Mussner, Sabina Kasslatter Mur y Christian Tommasini à i ntendënc fat al savëi a duta la scoles de tenì n menut de chiet per lecurdé la vitimes dla atentat. “Nce sce ne savon nia avisa la gaujes dl atentat, l ie stat n’azion brutala che dëssa unì cundaneda da duc deberieda” sorissea i assessëures provinziei. Cun chësc menut de chiet uelen nce dé esprescion che n ne se lascia nia mëter sot da viulënza y teror, unfat sce n ie tla provinzia de Bulsan o a Brindisi.as
