Scora / Cultura | 24.05.2012 | 15:42

Rumantsch Grischun (3): l’aministrazion dl Chantun Grischun

USP – A livel aministratif cumporta la spartizion de cumpetënzes danter Chantun y chemuns dificulteies. Per l’aministrazion regiunela vel n prinzip uniter, ntant che i chemuns tën plu cont dla realtà pratica. L assessëur Martin Jäger à rujenà de logiches de maiuranza tla cuestion de rujeneda.

La costituzion dl Chantun valutea l tudësch, l talian a l rumatsch al medemo livel. L ne vën nia fat defrënzes danter idioms de valeda, nsci iel la rujeneda aministrativa l Rumantsch Grijun (unificà). Ma la rujeneda aministrativa ne tira nia su gran emozions ajache chi che uel giata daniëura nce la verscion tl’autra doi rujenedes. La cumpetënza plu zitia dla rujeneda de nseniamënt ti an lascià ai chemuns, scebën che l Chantun finanzieia l material de nseniamënt. A chësta maniera vëniel a lum caji te chëi che l ne ie nia tler co che Chanton y cheumuns possa lauré deberieda.

Da pont de ududa regiunel ie la Rumantschia massa pitla per se spartì sun 5 idioms, nscì iesen dla minonga che l ie debujën de majer cuntat danter idioms. Da capì iel dal’autra pert che a livel pratich, ti luesc, an tëmes da na rujeneda unitera che vën metuda dant.

Normes y regulamënc a livel naziunel y regiunel abina realisticamënter na maiuranza sce n cunscidra l Rumantsch sciche rujeneda unitera. Ma ti luesc y ti chemuns vëniel laurà cun la rujeneda cun chëla che n se identifichea, l idiom de valeda.

Cialan de reviers à l assessëur Martin Jäger paredlà la situazion cun na ferata che muef cun sgors, ma che lascia doi terzi (2/3) di vagons te stazion. Ajache doi terzi di chemuns ne à nia tëut su la rujeneda unificheda te scola.

La cuestion dl mumënt ne ie nia sce mantenì l Rumantsch Grischun. La cuestion zitia ie co che l dëssa unì nsenià te scola.

Nfurmazion dl Chanton Grischun sun www.gr.ch

as

Galaria dales fotografies

Na rujeneda unficheda se adrova truep tëmp: i doi assessëures Florian Mussner y Martin Jäger a una;