Atualità
Rengraziamënt per si ulentariat tla Cultura ladina
USP – Persunaliteies di chemuns ladins de Gherdëina y dla Val Badia à giapà dal Assessorat provinziel ladin n sëni de rengraziamënt per si mpëni ulenter tl ciamp dla Cultura ladina. N mierculdi ai 13 de juni (INIER) ai fat na jita deberieda per vijité i cunvënc Marienberg y Son Jon tla val Venuesta y Müstair.
L di nternaziunel dl ulentariat, ai 5 de dezëmber, ova l Assessorat provinziel ladin unerà persunaliteies di 9 chemuns ladins che se à fat merit per si atività de ulentariat culturel. Per uni luech fovel sun pruposta di chemuns unì cris ora n reprejentant di ulenteres che da cà tëmp, mpëni y energies per la cumenanza. Deberieda cun la uneranza ova la persunaliteies nce giapà la scincunda de fé na jita deberieda. N mierculdi ai 13 de mei iela stata tan inant. La persunaliteies à giapà n recunescimënt per dut l tëmp che les à dat ca per la cumenanza te chëla che les à nstës pudù viver n jita n cumpania. I unerei, cumpaniei dal diretëur de repartizion Alexander Prinoth ie stai tl cunvënt Marienberg tla Val Venuesta y pona tla val Müstair ulache i à nce vijità l cunvënt Son Jon (St. Johann).
---
Auter comunicat sun chësc argumënt:
06.12.2011 - Ejëmpli vives de ulentariat culturel ladin
as
