Atualità
Cumiscion ladina per opres d’ert
USP - Dan che la Provinzia compra opres d’ert, iel de bujen che na cumiscion valuteie l cajo. Sun pruposta dl assessëur Florian Mussner à la Jonta provinziela (NCUEI) ai 16 de lugio dat pro chësta cumiscion per la pert ladina.
La cumiscion de esperc à doi duvieres. Danora dëssel uni fat prupostes de opres che la Provinzia pudëssa cumpré y canche la ie pona tan inant, dëssa la cumiscion dé n bënsté dl priesc dl’opres d’ert.
Aldò dla lege provinziela ti spieta al assessëur ala cultura la presidënza de dla cumiscion. Per la cumiscion ladina à l assessëur Mussner dat inant chësta ncëria a Lois Ellecosta che laurerà deberieda cun i doi esperc, Albert Mellauner y Christa Kasslatter.
Tres la repartizion provinziela Cultura Ladina iel ntan i ultimi diesc ani unì cumprà 11 opres d’ert. L ann passà iel unì cumprà doi scultures: l pez “Mann im Gehen“ de Wilhelm Senoner y la scultura „Odaliske” de Johann Rindler.
as
