Atualità
Capela de Resciesa recunesciuda sciche monumënt culturel
USP – La capela sun Resciesa dedora ie unida recunesciuda sciche monumënt culturel da custedì. La Jonta provinziela à sun pruposta dl assessëura Kasslatter Mur dat pro chësta defendura di bëns culturei.
La mutivazion per recunëscer la defendura de chësta capela reverda dantaprima l’architetura baroca. La capela ie unida fata su dl 1752 y ie pona do y do plu iedesc unida cumededa. Si carateristica ie la porta a archët spiz danter doi vieresc da la medema forma. Sun la pert a sud iel n gibl cun na crëusc. L tët ie de scintles. Dedite iel n Crist ziplà de lën y depënt, dl 18esim secul.
La capela “Santa Crëusc” sun Resciesa ie de avëi dl Chemun da Laion. La defendura sciche monumënt culturel unirà sun la basa dla delibra dla Jonta provinziela purteda ite tl liber fundier a Tluses.
as
