Atualità
Scultura de Gherdëina unirà descurida ai 4 de setëmber
USP – N merdi ai 4 de setëmber uniral tla chëurt dl palaz provinziel 2, la sënta dl Assessorat provinziel ladin, descurì la scultura de Gherdëina “Im Dialog”. Chësc unirà fat dal vëscul Ivo Muser, l presidënt dla provinzia Luis Durnwalder y dal assessëur ladin Florian Mussner.
L'opera artistica de Willhelm Senoner de Urtijëi ie esprescion de dialog danter la persones. Chësta esprescion passenea drët bën tla sënta dl Assessorat provinziel ladin a Bulsan y nsci sarà la scultura da udëi per plu enes te chësta luegia.
La descurida unirà fata n merdi ai 4 de setëmber dala 14.30 chëurt dl palaz provinziel 2, plaza Silvius Magnago a Bulsan, cun la prejënza dl vëscul Ivo Muser, l presidënt dla provinzia Luis Durnwalder y l assessëur ladin Florian Mussner.
---
I culaburadëures di media ie nviei a chësc mumënt de ancunteda dl'ert ladina a Bulsan.
as
