Atualità
Cunsulta ladina azetea nvestizions a bën dl’atività culturela
USP - La Cunsulta provinziela per la Cultura ladina à te si senteda da d’autonn, (INIER) ai 11 de utober tratà la dumandes per n sustëni finanziel a nvestizions. Duta la diesc dumandes che reverda chësta sort de cuntribuc tl ciamp dla Cultura ladina ie unides azetedes.
Majera pert dla dumandes per nvestizions che ie unides tëutes tres dala Cunsulta culturela ladina reverda trohtes y strumënc per la mujighes. Me na sëula dumanda reverda la mubilia per n cor.
Aldò dla dumandes possen nce udëi ulà che nosta lies cultureles à de bujën de n aiut finanziel. "Te chësta senteda, ulache la se tratova de nvestizions, ons dat pro na bona pert di cuntribuc per anjenië guanc y strumënc che la mujighes adrova per fé si atività: iust chësc ie l fin prinzipel dl sustëni da pert dla Provinzia" à dit l assessëur Florian Mussner, presidënt dla Cunsulta. Danter i proiec che unirà sustenii tres la Repartizion Cultura Ladina iel nce l ressanamënt dla Capela dl Crist sun Resciesa dedora.
De ndut à la Cunsulta culturela ladina azetà duta la diesc dumandes che ie ruvedes ite, dajan si bënsté a cuntribuc per na soma de 53.500 euro.
Ala fin de nuvëmber traterà la Cunsulta provinziela per la Cultura ladina l'ultima pert dla dumandes per cuntribuc tres la Repartizion Ladina, ntlëuta uniral tratá la dumandes per ativiteies cultureles.
as
