Atualità
Liber “Al confine/An der Grenze” – Presentaziun ai 8 de novëmber tla Teßmann
USP - L’opera “Al confine. Sette luoghi di transito in Tirolo, Alto Adige e Trentino / An der Grenze. Sieben Orte des Übergangs in Tirol, Südtirol und im Trentino” é le proiet dl grup de laûr "Storia e regione / Geschichte und Region" en colaboraziun cun l’Université de Desproch, l’Université de Trënt, l’Archif dla Provinzia y la ”Fondazione Museo Storico del Trentino” y vëgn dada fora da: Andrea Di Michele, Emanuela Renzetti, Ingo Schneider y Siglinde Clementi. La presentaziun ai 8 de novëmber tla biblioteca provinziala Teßmann a Balsan, scomëncia dales 20.00.
Se dè jö cun confins ô dì se dè jö cun dinamiches complesses y afascinantes, che pê plënes de contradiziuns. Etnologs y storics dl Tirol, dl Südtirol y dl Trentin é a öna: ara va ma da ciafè fora le significat y le svilup di confins tres „l'odlada dopla" dles döes disciplines. Les pices mo importantes localitês de confin é gnüdes analisades y an à osservè les conseguënzes di gragn avenimënć storics y dles trasformaziuns soziales sotes che reverda l'Europa. Ti contribuć scrić se dàn jö cun i posć de confin nazionai: Prener, Reschen o Arnbach/Winnebach, cun Ala, che é deventè ala fin dla pröma vera mondiala n post de confin regional, cun le post de confin provinzial Salurn, da n valur simbolich sterch, y cun dui posć de confin particolars che é gnüs tuć demez dal' isolaziun da coliamënć stradai: le tunel danter la Val di Non y la Val D'Ultimo, sciöche inće la „Felbertauernstraße" strada che coliëia le Tirol dl Ost cun le Tirol dl Nord.
L liber uniarà presentà da Andrea Di Michele dl Archif dla Provinzia y Ingo Schneider dl'Université da Desproch. La moderaziun uniarà fata da Siglinde Clementi, coordinadëssa dl grup de laûr "Geschichte und Region / Storia e regione.
usp
