Atualità
Chëst ann inò n “Avënt ladin a Bulsan”
USP - La cultura particulera de cianté l Avënt che ie unida mantenida ti luesc ladins unirà chëst ann inò prejenteda al publich de Bulsan. Te n mëns, ai 14 de dezëmber cianterà sies grupes ladines tl Dom de Bulsan.
L Assessorat provinziel Ladin pieta ai 14 de dezëmber l'ucajion de audì la tradizion ladina de cianté y suné l Avënt te n cunzert tl zënter de Bulsan. Sciche bele tla prima edizion dan doi ani, sarà chësc cunzert de grupes ladines n mumënt de ancunteda dla cultura ladina cun l'autra grupes de rujeneda.
Chësta scumenciadiva culturela ladina se à nce metù l fin de pité n'alternativa al gran muvimënt cumerziel dan Nadel.
L cunzert d'Avënt tl Dom de Bulsan, ai 14 de dezëmber ie prugramà per la sies da sëira.
La grupes che fej pea
Trio dl'ëiles de Gherdëina pra l “Avënt ladin"
Cor Col dla Vedla
Cor di mutons de Sëlva
Cuartet de tlarinec Badia
Archëc familia Ploner
Pinzimonio vocale
as
