Atualità
Ultima doi enes per se scrì ite ala scoles autes
USP – Sculeies che fina chëst ann la scola mesana possa nchin ala fin de merz mo se scrì ite a na scola auta. A chiche ne à mo nia tëut na dezijion ti mët l assessëur ladin Mussner a cuer de se de jù plu avisa cun cie che l vën pità. Tla valedes ladines possen crì ora sies scoles autes: doi istituc tecnics economics, n lizeum linguistich, n lizeum pedagogich, n lizeum d’ert y na scola prufesciunela.
Ultimamënter à la scoles autes a Urtijëi y a La Ila bele pità dis dla porta davierta. Chiche ulëssa mo damandé do velch sun cie che l vën pità te chësta scoles possa tò su cuntat diretamënter cun la direzions de scola. "Plu che n se nfurmea de cie che la scoles pieta y plu saurì che l ie a crì ora la scola plu adatea ai nteresc y la capaziteies di jëuni" mët a cuer l assessëur ala scola ladina Florian Mussner. L crì ora la scola plu adateda uel aldò dl assessëur nce dì nvië via na streda de vita.
A La Ila vëniel per l proscimo ann de scola inò pità l Lizeum Linguistich y l Istitut tecnich economich cun la sezion aministrativa. Sce l ie nteressei assé uniral nce pità n lizeum pedagogich. L Istitut tecnich economich de Urtijëi pieta na sezion aministrativa che dà sëuraprò mo la puscibltà de pratighé sport agonistich y na sezion turistica. L Lizeum d'Ert de Urtijëi pieta trëi spezialisazions: grafica, design y ert figurativa. Per la Scola prufesciunela iel ultimamënter inò stat plu nteres. Tlo uniral inò pità l curs de basa dl artejanat artistich y leprò mo doi ani de spezialisazion. "Do diesc ani uniral chëst ann inò fat n curs per l ejam da moster de ziplé y depënjer" spiega l ntendënt Roland Verra.
L'iscrizions ala scoles autes possa unì fates cun n formuler che ie da giapé te uni scola. L ultimo di per pudëi se scrì ite ie l vënderdi ai 29 de merz 2013.
Nfurmazions sun la scoles autes tla Provinzia de Bulsan ie da giapé tres internet sun la plata web www.provinz.bz.it/bildungsfoerderung/default.asp y tla publicazion "Wegweiser" dl Ufize provinziel Urientamënt scolastich y prufesciunel.
L Servisc de urientamënt scolastich dla Provinzia de Bulsan vën nce pità tla valedes ladines. L cuntat dl ufzie te Sëlva (per ntant tla cësa de chemun) ie 0471 794192 (berufsberatung.wolkenstein@provinz.bz.it). L ufize a San Martin de Tor ie da arjonjer al 0474 524087 (berufsberatung.pikolein@provinz.bz.it).
Scoles autes paritetiches ladines
Istitut tecnich y Lizeum a La Ila
telefonn: 0474-847252
http://www.ll-itc-laila.it/
Istitut tecnich Raetia a Urtijëi
telefonn: 0471-796296
http://www.iteraetia.it/
Lizeum d'ert cun Scola prufesciunela de Urtijëi
telefonn: 0471-796240 / 0471-796733
http://www.cademia.it/
as
