Atualità
7 mei: Sculeies dla trëi grupes de rujeneda se da ju cun educazion politica
Ntan chësc ann iel unì metù a jì n barat danter i sculeies dl Lizeum linguistich da La Ila, la scola auta “Marie Curie” da Maran y la scola “Claudia de Medici” de Bulsan. Tl cheder di dis de educazion politica se anconta i sculeies (NCUEI) 7 de mei per n dì deberieda a Bulsan.
I dis de educazion politica dal 23 de auril ai 9 de mei ie chëst ann dedichei al argumënt “Media.Pudëi.Minonga”. Nce i sculeies de rujeneda tudëscia, taliana y ladina se à dat ju cun chësc argumënt.
(NCUEI) Merdi, ai 7 de mei se anconta i sculeies dla trëi grupes de rujeneda tla bibliotech dl zënter scolastich “Claudia de Medici” a Bulsan (streda Quirein 37) per n di de barat.
L program dl di unirà nvià via dala 10.00 cun l salut dl assessëur ala scoles talianes Christian Tommasini deberieda cun la ntendënta Nicoletta Minnei y la coordinadeura Rosella Li Castri. Ntan l di uniral fata juesc de rujeneda y prejentà i proiec laurei ora. Do la marënda tla mensa dl’università uniral domesdì, tl Museion, mparà ite n flashmob. (USP)
as
