Atualità
Scoles y scolines ladines: Nueva publicazion sun i cursc de furmazion 2014/15
USP - L servisc „Inovazion y Consulënza“ dl Departimënt „Educazion y Cultura Ladina“ à dat ora n cudejel cun i cursc de furmazion per la scoles y scolines ladines per l ann 2014/15. L se trata de na publicazion dassënn aspiteda tl mond dla educazion.
La publicazion ie unida ora aldò dla ndicazions dla cumiscion per la furmazion y l'ajurnamënt dla scola ladina, de chëla che fej pert diretëures, nsenianc y esperc de pedagogia. L se trata de na publicazion dassënn aspiteda tl mond dla educazion, davia che i nsenianc possa se crì ora na gran lingia de cursc y de d'autra scumenciadives furmatives che vën pitedes sibe da „Inovazion y Consulënza" che nce da d'autri servijes dl departimënt y da lies di nsenianc. L ajurnamënt persunel di nsenianc ie una dla fundamëntes plu mpurtantes de n bon nseniamënt y l se trata nia mé de n duvier, ma nce de n dërt dl nseniant, tenian cont che te d'autra regions vën l custimënt de chisc cursc purtà diretamënter dai nsenianc nstësc.
L majer pëis dla scumenciadives de furmazion ie unì metù chëst iede sun la didatica, sun la formes dl mparé y dl nsenië cun referimënt particuler al plurilinguism y ala scienzes.
N prova for plu y plu de pité cursc plu lonc de de plu dis, propi per lascé n sëni plu sot y seguré la cumpetënzes di nsenianc.
Purmpò an purvà a garantì plu sortes de cuntenuc aldò dla pupostes che vën dal mond dla scola y scolina ladina. Chësc ie bele l segondo ann, che la iscrizions ai cursc possa unì fates tres l prugram nfurmatich „eXcursus" a na maniera che n ebe for na sëuravijion dla situazion dla iscrizions y n azes diret dl publich al servisc de furmazion.
„Ulon garantì inant la inovazion tl nseniamënt y ti prozesc dl mparé y i cursc de furmazion ie segurmënter n bon nvestimënt per nosta scoles y scolines" nscì ie l comentar dl Intendënt Roland Verra ala publicazion iust unida ora.
L pdf dla brosciura ie online sota la plata web http://www.pedagogich.it/.
SAN
