Atualità
Invit “Un libro ti aspetta”: estraziun di pesć ai 21 de mà
USP - Indöt 60 pesć gnarà partìs fora ai davagnadus dl concurs “Un libro ti aspetta” dla repartiziun provinziala por la cultura taliana. I pesć gnarà surandà en mercui ai 21 de mà dales 18.00 dal assessur Christian Tommasini tl zënter Trevi a Balsan.
Chësc ann á la repartiziun provinziala dla cultura taliana partì fora tratan le "Dè Mondial di libri", ai 23 de aurì, coupons che pormët da tò pert ala estraziun de n gröm de pesć culturai, sciöche por ejëmpl: abonamënć al teater, chertes d´entrada al cinema, ai museums o ales manifestaziuns teatrales y inće bonns por la partezipaziun a cursć desvalis de perfezionamënt.
L´estraziun sarà
en mercui, ai 21 de mà dl 2014
dales 18:00 da sëra
tl zënter Trevi,
Via cappuccini 28 a Balsan.
La manifestaziun sarà abelida dales letöres de Chiara Visca y dala musiga de Max Castlunger y Emanuel Valentin. Implü gnaràl inće partì fora n piće liber cun i retrać de düć i portadus dl pest Nobel dla leteratöra dal 2009 al 2013.rc
