Atualità
Alfabetisaziun de migranć: presentaziun dl liber ai 19 de jügn
“Nix lesen, nix schreiben, nix gut”: Chësc é le titul dl liber che é gnü publiché dal Ofize Formaziun Permanënta dl Departimënt Cultura todëscia adöm ala organisaziun “Alpha Beta – Piccadilly” y che à sciöche tematica prinzipala l’alfabetisaziun de migranć. Le liber gnarà presentè la proscima jöbia, ai 19 de jügn da öna dles auturies adöm cun l'assessur por l’integraziun Philipp Achammer.
Por podëi s'integrè te na sozieté foresta él important da studié le lingaz dl paîsc ospitant. Por rové a podëi mëte man da studié n lingaz val datrai debojëgn da imparè naôta da lì y da scrì. Insciö cunta tl liber "Nix lesen, nix schreiben, nix gut" de plü insegnanć sües esperiënzes cun l'alfabetisaziun de scolars. Tematica dl liber é inće le contest plurilingual tl Südtirol y l'adatamënt dl insegnamënt a chësta condiziun.
Le liber, publiché dal Ofize Formaziun Permanënta dl Departimënt Cultura todëscia adöm cun l'organisaziun "Alpha Beta -Piccadilly" gnarà presentè
la proscima jöbia, ai 19 de jügn
dales 10
tl zënter ""Alpha Beta -Piccadilly"
via Talfer 1a
Balsan
adöm cun l'assessur por l'integraziun Philipp Achammer, le diretur dl Ofize Formaziun Permanënta Hubert Bertoluzza y Aldo Mazza, le responsabl de Alphabeta. Öna dles auturies, Irene Cennamo portarà dant na relaziun sön l'alfabetisaziun te n contest plurilingual sciöche por ejëmpl tl Südtirol.
rc
