Atualità
"I prighi te Internet", ai 29 d’otober vëgnel pité na sëra d’informaziun
„Pericoli della rete/Straftaten im Netz“ à inom la sëra d’informaziun sön i prighi te Internet y che vëgn metüda a jì dal’Ofize Media audiovisuai dla Repartiziun provinziala dla cultura todëscia adöm ala Polizia statala. L’incuntada é ai 29 d’otober a Balsan.
Dal phishing ala falsificaziun dl’identitè, dala violaziun di account personai ala clonaziun dles chërtes da credit ćina al cyber-bulism y ales descreditades söi social media: i prighi tres l’adoranza de Internet é tröć y chisc gnarà inće tematisà tratan la sëra d’informaziun „I prighi te Internet“ ai 29 d’otober a Balsan. La manifestaziun vëgn metüda a jì dal’Ofize Media audiovisuai dla Repartiziun provinziala dla cultura todëscia en colaboraziun cun la Polizia postala. I esperć dla polizia y dla comunicaziun, Ivo Plotheger y Francesco Campisi, sarà a desposiziun por consëis y informaziuns por na navigaziun sigüda te Internet. Al va debojëgn da se scrì ite ćina en lönesc ai 27 d’otober tres na email a medien@provincia.bz.it, tel. 0471 412915 o 0471 412923. L’entrada é debann. La manifestaziun gnarà tignida
en mercuì ai 29 d’otober 2014
dales 19.30
tl palaz provinzial 7
strada Andreas Hofer 18,
a Balsan.
rc
