Atualità
99 domandes sön la storia dl Tirol: Presentaziun dl liber ai 13 de novëmber
La biblioteca Teßmann inviëia ala presentaziun dl liber „99 Fragen an die Geschichte Tirols“ che trata la storia dl Tirol te na manira conzisa y descritiva: le liber respogn a 99 domandes sön la storia dl Tirol, dal Pachet por le Südtirol, a Ötzi y Silvius Magnago cun spligaziuns storiches cörtes, scrites da plü esperć dla storia dl Südtirol. La presentaziun vëgn tignida ai ai 13/11 dales 20.
Ći é pa le "Tiroler Landlibell"? Ćiodì él pa n "Goldenes Dachl" (pice tët d’or) a Desproch? Ći importanza à pa albü le Bergisel tla storia dl Tirol? Ći é pa le Contrat de Paris? Che ê pa Silvius Magnago? Ći é pa le Pachet dl Südtirol? Ći é pa la "Detlaraziun d'apajamënt dles stritaries"?
Storiografs che conësc al miù la storia dl Tirol respogn cun descriziuns conzises y fondades storicamënter a 99 domandes sön la storia dl Tirol, dal "Ël gnü dala dlacia" al "Pachet dl Südtirol". La storia dl Tirol vëgn portada dant te de "pici bocuns interessanć" y se presentëia insciö sciöche n puzzle storich afascinant che vigni leturia y letur po se mëte adöm instës te na letöra plajora.
La presentaziun dl liber “99 Fragen an die Geschichte Tirols“ vëgn tignida
en jöbia, ai 13 de novëmber dl 2014,
dales 20.00
tla Biblioteca Provinziala Dr. Friedrich Tessmann,
str. A.-Diaz 8, Balsan
en presënza di auturs Brigitte Mazohl, Prof.-Univ. de storia austriaca tl'Université de Desproch, Norbert Parschalk, Doz.-Univ. tl ćiamp dla didatica storica tles Universitês de Mainz, Balsan y Desproch y Josef Riedmann, Prof.-Univ. da denant de storia dl'eté medievala y sciënzes storiches ausiliares tl'Université de Desproch.
rc
Galaria dales fotografies
