Atualità
Dé dla cultura ladina – Balsan, ai 11 d’aurí 2003
OSP - Por le pröm iade vëgnel tigní a livel provinzial en vëndres, ai 11 de’aurí 2003 n “Dé dla cultura ladina”. Fin de chësta manifestaziun, che gnarà spo tignida vigne ann, é chël de mëte tl zënter dl’atenziun tematiches de interès particolar por la mendranza ladina y che po ester d’interès ince por i atri grups linguistics.
L’argomënt de chësc ann é: “Cultura – Natöra - Turism: un punt danter tradiziun y dagnì”. “Le raiun dolomitich rapresentëia na fontana economica importanta por la popolaziun ladina sciöche “fontana naturala”. Ma che chësc mëss gnì aprijé, valorisé, revaluté y mantignì tla dërta manira y la particolarité linguistica y culturala dla popolaziun ladina te so raiun natural mëss gnì alzada fora”, insciö la minunga di organisadus.
L’incuntada dess mostrè sö le coliamënt strënt danter le raiun cultural ladin cun la identité culturala dla popolaziun ladina y dè da ponsè. Chësc “ponsè do” vëgn alimenté da referać tignis da porsones de gran esperiënza y competënza tl setur.
L’incuntada, che vëgn tignida
en vëndres, ai 11 d’aurí 2003
dales 9.30 inant ćina misdé
a Balsan tl Hotel Laurin
vëiga danfora chësc program:
Dales 9.30: Scomenciamënt cun salüć y presentaziun cörta da pert dl diretur dla Repartiziun Cultura y Intendënza ladina, dut. Alfred Irsara.
Dales 9.45: Salüć dl Presidënt dla Provinzia, dut. Luis Durnwalder, dl Assessur por la cultura todëscia, dut. Bruno Hosp, dl Assessur por la cultura taliana, dut. Luigi Cigolla
Dales 10.20: Scomenciamënt di referać:
- Referat cört dl Assessur dut. Florian Mussner: “Valorisazion de nosta cultura y de nosc ncësa”
- Referat dl dut. Guido Venturini, diretur general dl “Touring Club Italiano: “Valorizzazione del patrimonio locale per lo sviluppo integrato del territorio”
- Referat dl dut. Chaspar Pult, romanist y manager cultural de Coira:´
“Die schönsten Berge der Welt – Gedanken zur kulturellen Identität”
- Referat dl dut. Hugo Valentin, presidënt dl Istitut Cultural Ladin “Micurà de Rü” y Assessur da n iade dl Govern Provinzial: “Ladiner sein und Ladiner bleiben”
Dales 13 za.: Fin dl’incuntada.
L’incuntada vëgn acompagnada musicalmënter dal “Quartett Göma” dla Val Badia, che portartà dant ćianties ladines.
Organisadus: Ofize cultura y scora ladina en colaboraziun cun l’Assessorat ladin.
I rapresentanć di media é dër bel invià da reportè y documentè chësta manifestaziun ti folieć, tl radio y tla televijiun. Ala fin de chësta manifestaziun él inće la poscibilité de fà intervistes mirades y aprofondides ai referënć.
Por prenotaziuns di referënć pol gnì contatè la dr.a Katharina Tasser al n. de telefonn 0471/267028.
OSP
