Atualità
N gra de cuer ai cumëmbri dl IPL y al Presidënt Vittur
OSP - Festa garateda n merdi a San Martin per recunëscer i meric dl directorium da dant dl Istitut Pedagogich Ladin. Paroles de lauda al Presidënt Vittur y ai cumëmbri da pert dl Assessëur Florian Mussner. L IPL udù sciche na istituzion mportanta per la scola nce per l daunì
Pra na pitla festa a S. Martin de Tor à l Istitut Pedagogich Ladin ulu ti dì n gra de cuer al Presidënt Vittur y a cater cumëmbri dl Directorium da dant. Do che la lege dl Istitut fova unida mudeda l ann passà d’instà, fova nce unida smendrida y mudeda la cumposizion dl Directorium. Perchël ne fej i cumëmbri da dant Rosmarie Crazzolara, Toni Sotriffer, Otto Moling y Vito Miribung nia plu pert dl Directorium da sën. Nce l Presidënt Franz Vittur à lascià si ncëria do che pra duc trëi i Istituc dla Provinzia ie unic numinei i Ntendënc sciche Presidënc.
Pra chësta festa à ulu vester leprò nce l Assessëur ai lëures publics, scola y cultura ladina Florian Mussner per pudëi rengrazie persunalmënter per dut chël che l Presidënt y i cumëmbri à fat per la Istituzion te truep ani de culaborazion. Ël à lecurdà la tapes y la streda che à fat Franz Vittur tla strutures dla Scola ladina. N iede sciche maester pona sciche Diretëur, Ntendënt y Ispetëur àl sapu da tò la drëta dezijions a bën dla scola y dla jënt ladina. Tulan nstëss la parola à Franz Vittur mo n iede sotrissà cie che ti stajova for dassën a cuer: n tlima sarëinn per pudëi se cunzentré sun l nseniamënt y n raport uman danter sculeies, maestri y diretëures per pudëi sen sté bën te scola. Ël à mo n iede ulù auzé ora chël che ti stajëssa a cuer per l daunì dla scola ladina: tenì sun la rujeneda de loma, n tlima sarëinn per n bon nseniamënt y nia se stlù ite te nosc pitl raion, ma se giaurì y tenì l cuntat nce cun l’autra scoles.
Nce l Ntendënt y Presidënt dl Istitut Pedagogich da sën Roland Verra à rengrazià per dut chël che l Presidënt y i cumëmbri da dant à fat per l Istitut. Ël à ulù auzé ora l curaje dl Ntendënt da dant canche l se tratova de tò vel dizijion nia for cunforma ala regulamentazions, ma che jiva a bën dla scola, de vel sculé o de vel nseniant. Ala fin à mo l Diretëur dl Istitut
OSP
