Atualità
Dumandes per cuntribuc a sculeies dla scoles d’ert y scoles secuderes nchin ai 2 de utober
OSP – L resta me plu puecia enes de tëmp per i sculeies dla scoles d’ert y scoles secunderes dl II. livel per dé jù la dumandes de cuntribuc ala Provizia per l ann de scola 2003/04. L ultim di sarà juebia ai 2 de utober 2003. La dumandes possa unides dates jù te scola o tl ufize provinziel per sustëni scolastich.
Duta la sculees y i sculeies che vif te n chemun dl Südtirol o che per rejons de studi à spustà si residënza tl Südtirol possa fé dumanda per i cuntribuc. Per chësc ann de scola uniral dat nchin a 2.719 Euro. Chësta soma ti spiëta a sculees y sculeies che muessa ntan l tëmp de scola viver destacà da si familia y che à n davani (manco la spëises) nchin a 1597 Euro. Per sculeies che ie me ntan l di demez da cësa vën la soma mascima smëndrida dl 30 percënt. Duc i autri possa giaté n cuntribut de 309 Euro. La soma mascima dl davani zënza la spëises ie per l ann de scola 2003/04 unì metù a 17.850 Euro. I formulares per la dumandes per studi ie da giapé ti chemuns, tl ufize provinziel per sustëni scolastich a Bulsan y ti ufizes de consulënza de lëur. Mplu ie i formulares y la nfurmazions nce sun la plates provinzieles tl internet sota www.provinz.bz.it/schulfuersorge-berufsberatung/4001/schulfuersorge/oberschulen. Pra la dumandes muessel nce unì dat ju na copia nia autentificheda dla detlarazion dl davani 2002, per l ann 2001. Sce l vën dat ju i formuleres sun plates singules, muessa uni plata unì sotscrita. Chi che manda documentazions y detalarazions per fax, muessa nce mandé pea na copia dla cherta de identità. La dumandes possa unides dates ju tl segreteria dla scola o scenò diretamënter tl ufize per sustëni scolastich tla streda Andreas-Hofer 18 a Bulsan. Chi che giata nchin ai 2 de utober na lëtra dal ufize cumpetënt che la dumanda ne fossa nia a post, à mo doi enes de tëmp per la cumedures o per de jù vel documënt. La Provinzia cëla dò a estrazion sce la nfurmazions dla dumandes ie bën drëtes. Nfurmazions plu avisa possa unides damandes diretamënter pra l ufize per assisstënza scolastica al numer de telefonn 0471 41 33 05, 0471 41 29 24 o 0471 41 29 25.OSP
