Atualità
L assessorat per la scola y cultura ladina sun l dé cuntribuc
OSP – Cun gran maruëia à l assessorat per la scola y cultura ladina tëut a cunescënza che tres i media ti iel unì trat dant che l ne ti uniss’ nia dat n cuntribut culturel a n media ladin nce sce l ie n bensté de l dé da pert dla consulta ladina. L assessorat provinziel lecorda che l bensté dla consulta ladina ne ie nia ublient, che l guviern provinziel tol la decijions sun i cuntribuc provinziei y che la dumandes possa nce unides cialedes do plu avisa.
N relazion ala dumanda dl media ladin, stlarësc l assessorat provinziel per la scola y cultura ladina che: L ie vëira che la consulta ladina ti à dat n bensté positiv ala dumanda de n media ladin. Ma chësc ne ie nia l medemo schiche de prò l cuntribut. La consulta ladina à me da dé ju si minonga sun la dumandes y ne possa nia dé prò l cuntribut, davia che l à me na funzion de consulënza. L ie l duvier dl guviërn provnziel de dé pro la dumandes de cuntribuc. L possa vester dla medema minonga dla consulta, ma l ne muessa nia vester nsci. L besté dla consulta ne ie per l guviern provinziel nia de ublianza. Te vel caji vën la dumandes mo cialedes do plu avisa, sciche l ie l duvier dl assessorat cumpetënt.OSP
