Atualità
MIUR: „Les regoles dl Ejam de Stat ne gnará nia mudades tratan l’ann“
Le MIUR á comuniché inier che les regoles dl Ejam de Stat dla scora alta (ejam de maduranza) ne gnará nia mudades tratan l’ann scolastich.
Le Minister por l’istruziun y l’archirida scientifica (MIUR) á comuniché inier (27 d'otober dl 2016) ofizialmënter che les normes che reverda l’Ejam de Stat 2016/17, dantadöt por ci che reverda la composiziun dles comisciuns d’ejame, ne gnará nia mudades tratan l’ann de scora sciöche anunzié te na forma falada da n valgügn media. I trëi Intendënc, Roland Verra, Peter Höllrigl y Nicoletta Minnei informëia che sön la basa dla comunicaziun da inier dl MIUR ne gnarál gnanca a se le dé mudaziuns por ci che reverda i criters de valutaziun.
rc
