Atualità
Indoman presentaziun dla publicaziun dl Drap dla Pasciun de Sacun
Tl salf dla calonia a Urtijëi gnarál presenté indoman na publicaziun nöia che reverda le Drap dla Pasciun dla dlijia de Sacun dales 20:00.
La publicaziun nöia dal titul „Das Fastentuch von St. Jakob in Grödern/Il telo quaresimale di San Giacomo in Val Gaderna“ rajona dla conservaziun y dla restauraziun dl Drap dla Pasciun dla dlijia de Sacun. Le Drap é conservé da 50 agn bele tl Museum Gherdëina de Urtijëi, al é na rarité tl Südtirol, deache al é le drap conservé por intier te de bunes condiziuns. Le drap é gnü restauré y studié a funz da Verena Niederegger Senoner che á coiü adöm düc i resultac te na publicaziun nöia en colaboraziun cun l’Istitut Micurá de Rü y le Museum Gherdëina. La publicaziun nöia gnará presentada al publich
en mercui, ai 15 de merz,
dales 20:00
tl salf dla calonia
tla dlijia de Urtijëi.
Do les parores de salüd dl degan Vijo Pitscheider, dl diretur dl Istitut Ladin Leander Moroder y dla direturia dl Museum Gherdëina Paulina Moroder gnará la publicaziun nöia presentada da Verena Niederegger Senonoer y da Ulrisch Fistill. Dal cornisc musicala se crüziará n grup de archëc de Gherdëna. Ala presentaziun él ince poscibl da cumpré le liber che costa 8 euro.
Informaziun por i media: la direturia dl Museum Gherdëina Paulina Moroder sará a desposiziun dles redaziuns che á l'intenziun da vijité y filmé le drap dan la presentaziun dla publicaziun. Por fá fora n apuntamënt prëibel contaté la direturia al numer 338 6040477 o tres email p.moroder@museumgherdeina.it.
USP
