Atualità
Fin dl ann de scora, conferënza stampa ai 15 de lugio
I trëi assessurs Daniel Alfreider, Philipp Achammer y Giuliano Vettorato presentará te na conferënza stampa ai 15 de lugio n bilanz dl ann de scora 2018/19.
Cun la fin di ejams de Stat dles scores altes se él stlüt jö definitivamënnter l'ann scolastich 2018/19. Tl contest de na conferënza stampa fajará i trëi assessurs por la scora Daniel Alfreider, Philipp Achammer y Giuliano Vettorato n bilanz sön i resultac di ejams dles scores mesanes y altes y na suraodüda generala sön l'ann de scora. Al tolará ince pert ala presentaziun di resultac l'intendënta scolastica ladina Edith Ploner, le intendënt por les scores talianes Vincenzo Gullotta y la direturia dles Scores primares y secondares de pröm y secundo livel de lingaz todësch Sigrun Falkensteiner. La conferënza stampa gnará a se le dé
en lönesc, ai 15 de lugio dl 2019
dales 10.30
tl salf stampa de Palaz Widmann
plaza Silvius Magnago 1
a Balsan.
USP
