Atualità
Scribo: Prejentazion dla culezion de stories cun Rungger y Maruca
N juebia ai 22 de auril uniral prejentà la publicazion che ie l frut dl cuncors leterer Scribo. L liber unirà prejentà da Nadia Rungger y Bruno Maruca che à venciù i pesć tla categoria junior.
La stories "Bon viac"de Nadia Rungger” y "New York ne ie mei stata tan ueta" de Bruno Maruca ie la doi opres letereres che à venciù l prim y l segondo pest dl cuncors dla categuria junior. Tl liber iel ënghe da liejer la opres di autores Sofia Stuflesser, Amir Boucetta, Odette Ploner, Alessia Pordon, Elena Rudiferia, Lisa Verginer, Christa Videsott, Elisa Boi, Samuel Cavanna, Marlies Ellecosta, Sara Moling, Elea Pizzinini, Anna Tavella, Jasmin Triggiano, Iaco Rigo y Samuel Debon. La opres publichedes ie unides crisses ora dala cumiscion dl cuncors. L liber unirà prejentà te na cunferënza stampa, nce n ucajion dl “Di nternaziunel dl liber di 23 d’auril” dai doi autores Nadia Rungger y Bruno Maruca, deberieda cun l assessëur per la scola y cultura ladina Daniel Alfreider y la diretëura de departimënt Edith Ploner
n juebia ai 22 d’auril
dala 09:30
sun i canai ufiziei Facebook y Youtube dla Provinzia.
AVIS ai media: I jurnalisć y la jurnalistes che uel tò pert ala cunferënza stampa, dëssa mandé na mail a asp.redazione@provincia.bz.it cun la adres email da acredité. N puderà pona tò pert ala cunferënza stampa tres Zoom.
La letura dal viv unirà tenida pernanche la va.
USP/rc
