Atualità
50 agn dl 2. Statut d’autonomia: Presentaziun dl liber y mësa torona
Le liber "Die Mühen des Erfolgs. 50 Jahre Zweites Autonomiestatut" é tl zënter de na mësa torona cun i auturs Maurizio Ferrandi y Francesco Palermo y le presidënt Kompatscher tla Biblioteca Teßmann.
Le liber nü "Die Mühen des Erfolgs. Fünfzig Jahre Zweites Autonomiestatut in Südtirol/Alto Adige" é en jöbia tl zënter de na mesa torona cun i auturs Maurizio Ferrandi y Francesco Palermo y le presidënt dla Provinzia Arno Kompatscher tla Biblioteca Teßmann a Balsan.
De jená dl 1972 él jü en forza ofizialmënter le secundo Statut d’autonomia dl Südtirol, do diesc agn de tratatives danter Roma, Balsan y Viena. L’aniversar di 50 agn de chësc „model lauré fora cun fadia“, sciöche le presidënt dl Consëi di ministri da en iade Romano Prodi á dit dan da püch, pîta la poscibilité da fá n’analisa storica, na valutaziun politica y n pröm bilanz a chël che les prognoses por le dagní pó s’orienté.
Pian ia dala publicaziun dl liber "Die Mühen des Erfolgs. Fünfzig Jahre Zweites Autonomiestatut in Südtirol/Alto Adige" publiché da Edizioni AlphaBeta Verlag d’aurí dl 2022, spliga i dui auturs Maurizio Ferrandi y l’espert de dërt costituzional y autonomia Francesco Palermo pro na mësa torona cun le presidënt dla Provinzia Arno Kompatscher
en jöbia, ai 19 de ma dl 2022
dales 20.00
tl salf de letöra dla Biblioteca provinziala "Dr. Friedrich Teßmann"
a Balsan, strada Armando Diaz 8
ci che al é do le "secundo Statut d’autonomia" ia y porta dant i punc d’odüda desvalis danter fatibilité costituzionala y politica por n’elaboraziun tl dagní.
La manifestaziun dla Biblioteca provinziala Teßmann mët man dales 20.00, an pó pormez dales 19.30 inant. I posc da senté pó gní resservá tres le sistem de prenotaziun sön la plata web dla Biblioteca provinziala! La manifestaziun vëgn tignida tl respet dles mosöres de segurëza varëntes.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/jw/red
