Atualità
Cursc de ladin por ladins y nia-ladins
OSP - L’Assessorat Provinzial por la cultura ladina organisëia cursc de ladin unitar dla Val Badia por ladins y nia-ladins. I cursc vëgn fać tla sënta dl Ofize cultura y scora ladina cun scomenciamënt da merz 2004 y la partezipaziun é debann. I cursc tl idiom de Gherdëna sarà da d’altonn.
Ara se trata de dui cursc desvalis, y plü avisa de n curs de basa de 20 ores por prinzipianć nia ladins cun interès por les conescënzes de basa dl lingaz ladin y de n curs por ladins tla mosöra de 10 ores por perfezionè l’ortografia. I cursc vëgn tignis dala dr.a Daria Valentin, colaboradëssa dl Istitut Cultural Ladin „Micurá de Rü“.Cursc tla varianta de gherdëna gnarà tignis da d’altonn. Informaziuns plü avisa a chësc cunt gnarà dades plü inant. Düć i interessà che ne vir nia tles valades ladines dess aprofité de chësta ocajiun. Al é na poscibilité da imparè le lingaz scrit inće por chi che mëss o ó sostigní l’ejam de trilinguism.
Informaziun y iscriziun ćina ai:
1 de merz 2004 pro
Ofize cultura y scora ladina
Bindergasse 29
39100 Balsan
Tel. 0471 417020/21
Fax. 0471 417022
E-Mail: katharina.tasser@schule.suedtirol.it
OSP
