Atualità
Barbara Tavella davagnadëssa dl pröm concurs por artisc ladines
USP - En mercui, ai 31 de merz, dales 11.00 danmisdé, tla curt interna dl Palais Widmann a Balsan, premiarà l’Assessur ala cultura ladina, Florian Mussner l’artista Barbara Tavella da La Val, davagnadëssa dl pröm concurs por artistes y artisc jogn dles valades ladines „Premia flus d’aisciöda“ scrit fora Assessorat ala scora y cultura ladina.
Le concurs, ala süa pröma ediziun, é gnü scrit fora dal Assessorat ala scora y cultura ladina, y à sciöche fin chël de sostegnì y incorajè les artistes y i artisć jogn ladins a jì inant söl tru dla cariera artistica.Ala juria, componüda da Josef Irsara (Presidënt), Franz Irsara, Franz Kehrer, Hermann Josef Runggaldier y Bruna Senoner êl gnü sotmetü i curricula cun la documentaziun sön i laûrs fać ćina śëgn da 15 artistes y artisć jogn partezipanć, che fej pert dl grup linguistich ladin, é da ćiasa te Südtirol y é nasciüs/nasciüdes do i 31/12/1967. Le concurs tolô ite düć i ćiamps dl’êrt figurativa.
La premia che é de 5.000,00 Euro y de na mostra personala de forà 2005 tla Galeria Prisma a Balsan, é gnüda assegnada ala artista da La Ila Barbara Tavella, che é dl 1972 y é chersciüda sö a La Val. Ara à fat la Scora d’ert a Urtijëi y dedô l’Academia a Milan. Ara à bele ciafè deplü pesć.
La premiaziun vëgn tignida
en mercui, ai 31 de merz 2004
dales 11.00
tla curt interna dl Palais Widmann
tla strada Crispi 3 a Balsan.
Ala premiaziun é invià i rapresentanć di media sciöche inće düć i interessà.
USP
