Atualità
Presidënc y cumiscons per l ejam tla scoles autes ladines
Usp – Ntan chisc dis à la Ntendënza scolastica Ladina numinà la cumiscions y i presidënc de cumiscon per i ejames de stato tla scoles autes a La Ila y Urtijëi.
Ndut iel 41 sculeies che fajerà chëst ann i ejames de stato tla scoles autes ladines, trëi tl Lizeo per rujenedea de La Ila, 14 tla scola per l cumerz a La Ila, set tla scola auta Raetia de Urtijëi y 17 (set de grafica, trëi tl ziplé, set tl depenjer) tla Scola d’Ert a Urtijëi. I ejames per l ex-matura scumëncia chëst ann ai 16 de juni cun l prima prova scrita. I sculëies dla scoles ladines possa pra chësta prima prova se crì ora danter tudësch y talian. Aldò che l ntendënt Roland Verra a fat al savëi ie unic numinei i presidënc de cumiscion per i ejames de stato tla scoles autes ladines per chësc ann de scola. Tla Scola d’Ert a Urtijëi sarà Annemarie Saxalber presidënta de cumiscion, ëila ie diretëura dla scola umanistica „Walter von der Vogelweide“ a Bulsan. Tla scola per l cumerz y tl Lizeo per rujenedes da La Ila sarà Josef Mussner a sëurantò la presidënzia de cumiscon, ël ie unì nciaria sciche diretëur tla Scola Raetia de Urtijëi. Te chësta scola a Urtijëi sëurantulerà Josef Irsara l ncëria da presidënt de cumiscion. Irsara ie l diretëur dla doi scoles autes per l cumerz y rujenedea a La Ila. I cumëmbri dla cumiscions per l ejam de stato ie da udëi tla lista junteda leprò.USP
