Atualità
Museum Ladin presënta la publicaziun „La scola d’ert de Sëlva Gherdëina"
USP - Le Museum Ladin Ciastel de Tor presënta ‘n vëndres ai 7 de má 2004 tla calonia de Sëlva la publicaziun „ La scola d’ert de Sëlva Gherdëina – 1908-2003 – 95 ani de storia“.
Le liber publiché dal Museum Ladin é le früt de n stüde de Danila Serafini maestra por storia d’ert tla Scola d’ert de Urtijëi y sorvësc da catalogh por la mostra sura la storia dla Scola d’ert de Sëlva. Chësta é da odëi tla sënta dl Museum Ladin Ćiastel de Tor a San Martin de Tor y resta daverta ćina ai 31 de mà 2004 tratan i orars de daurida dl museum dal mertesc ala sabeda dales 10 ales 18 y la domënia dales 14 ales 18.Le volum é struturé te trëi perts cun na introduziun sura la storia dla Scola d’ert, na presentaziun dles operes metüdes fora sciöche inće na biografia sura i artisć che mët fora operes tla mostra suranominada.
USP
