Atualità

Scora / Cultura | 03.09.2004 | 17:16

Di dla Scola ladina: cun otimism tl ann de scola nuef

USP – Nsenianc y educatëures dëssa muever tl ann de scola nuef cun otimism, à dit l assessëur ala scola ladina Florian Mussner ncuei vënderdi, 3 de setëmber a Urtijëi. N presënza de ntëur 300 nsenianc y educatëurs iel ncuei unì nvià via l ann de scola 2004/05 cun l Di dla Scola Ladina.

L lëur di nsenianc y educatëures tla scoles y scolines ie de gran valor, à sorissà l assessëur ala scola Mussner. N cont dla discuscions sun l tò demez la stieres de rodul, che ti segurea l lëur ai nsenianc a tëmp indeterminà, à l assessëur trancuilisà i presënc. Tlo ne se muderà nia truep. Canche nsenianc se da jù dassën dëssa si bon lëur unì valorisà; à dit mplù Florian Mussner. Tl ciamp dl’evaluazion se mbincen na culaburazion plu strënta cun la scola tudëscia y italiana. “Ulon mëter man l ann de scola nuef cun truepa motivazion y otimism” à dit l assessëur ala scola.

L ntendënt ala scola ladina Roland Verra à presentà la nuviteis n cont dl’atuazion dla riforma scolastica che unira metudes ndrova tla scoles ladines. Tlo se tratla danterauter dl protfolio dla cupetënzes, de plu nseniamënt tla nfurmatica y tla rujenedes che vën trat tres n via sperimentela tla scoles elemeteres.

N ucajion dl Di dla Scola Ladina ie unì presentà i diretëures Claudia Canins y che à giapà na ncëria nueva tl Istitut tecnich da La Ila y Otto Moling tla scola auta Raetia de Urtijëi. Nsci schiche l diretëura y ispetëura neuva per la scolines ladines Edith Ploner. Sun l argumënt educazion te n mond globalisà à rujenà l prufessëur de università Sigfried Baur.

USP

Galaria dales fotografies