Atualità
Incuntada cun auturies y auturs ladins
USP - La Repartiziun provinziala Cultura Ladina mët a jì ai 18 de novëmber a La Ila y ai 25 de novëmber a Urtijëi döes sëres de letöra olache i auturs ladins che à davagné le concurs leterar “Auturs ladins scrî ...” liarà dant sües cunties. Dötes les porsones interessades é sambëgn inviades a tó pert.
Maria Pedevilla dla Val Badia y Ivan Senoner de Gherdëna che é stà premià por sües cunties pro la pröma ediziun dl concurs leterar “Auturs ladins scrî ...” à la poscibilité de portè dant sües stories scrites por ladin a n majer publicum. Les döes cunties é reportades tl liber “Auturs ladins scrî ...” dè fora por chësta ocajiun. Pedevilla y Senoner liarà dant sües cunties en jöbia ai 18 de novëmber 2004 dales 20.00 tla biblioteca dla Ćiasa de cultura a La Ila. Dedô gnaràl tignì na discusciun a chëra ch’al tolarà inće pert Iaco Rigo y Jaco Ploner. La manifestaziun gnarà moderada dal ispetur dla scora Lois Ellecosta. A Urtijëi gnarà la sëra de letöra inviada ia tla scolina “Salieta” ai 25 de novëmber 2004 dales 20.30. Al tolarà pert ala discusciun atira dedô Ferruccio Dalle Cave, Bruna Maria Dal Lago Veneri, David Lardscheider y Frieda Piazza. Da moderadù fajarà l’intendënt ladin Roland Verra. La familia Ploner da Runcadic abelirà trames les manifestaziun cun de beles melodies.I massmedia é dër bel invià
ai 18 y ai 25 de novëmber
a La Ila y a Urtijëi
a tó pert a chëstes sëres de letöra
y a les reportè ti folieć, tl radio y tla televijiun.
USP
