Atualità
-
Buona scuola: I assessurs presentëia le ddl de adatamënt dla reforma
I assessurs por la scora Florian Mussner, Philipp Achammer y Christian Tommasini á presenté incö (ai 24 de merz) le dessëgn de lege che reverda i „Mudamënc ales leges provinziales tl setur dla formaziun“. Tres chësc dessëgn de lege vëgnel rezepí les diretives statales dla reforma ti sistems scolastics provinziai.
-
Incuntada Junta-Comuns: internet aslöm, energia, reformes
Le finanziamënt di laurs por l’ultima milia dla rëi dla banda leria, la venüda dl 10 porcënt de Alperia, i arac söi dessëgns de lege, les reformes istituzionales, les normes nöies sön l’armonisaziun di bilanc. Chisc é stá i temesc prinzipai dla sentada de tlausöra dla Junta provinziala cun le Consëi di Comuns.
-
Museums provinziai: bilanz 2015 y previjiun 2016
Tl 2015 á i nü museums provinziai registré adöm indöt 800.000 vijitadus conferman le gran interes dl publich, dantadöt ince di residënc. Ince por le 2016 él preodü de plü scomenciadies y proiec, danterater la cuinta ediziun dla Trienala Ladina tl Museum Ladin Ciastel de Tor.
-
Dala Junta: coriera danter Sanciana y Ciadura, le sorvisc vá inant
Al jará inant almanco cina la fin de ma le sorvisc de coliamënt dles corieres danter Sanciana y Santo Stefano di Cadore. La Junta provinziala á aprové inier ai 22 de merz la prorogaziun dla convenziun cun la Provinzia de Belun sön proposta dl assessur por la mobilité Florian Mussner.
-
Documënc storics, plataformes digitales nöies ala Teßmann
Conservé les chertes y i documënc storics y i mët a desposiziun a düc i interessá: chisc é i obietifs prinzipai dla colaboraziun danter la Biblioteca Teßmann y l’EURAC che á svilupé dui portai digitai por l’utënza. Le proiet gnará presenté en mercui ai 30 de merz tla sënta dla biblioteca a Balsan.
-
Pasca: i ofizi dla Provinzia resta stlüc en Vëndres Sanc
En concomitanza cun les festes de Pasca sará i ofizi y sorvisc dla Provinzia stlüc da en vëndres ai 25 de merz cina en lönesc ai 28 de merz.
-
Le Museum Ladin sará davert d’aurí ma por scores y grups
Tratan le mëis d’aurí restará les döes sëntes dl Museum Ladin a San Martin y a San Ciascian ma davertes por tlasses scolastiches y por grups sön prenotaziun. Por vijitadus singuls restará indere i museums stlüc.
-
Aprové le ddl de reforma söl’istruziun: conferënza stampa ai 24 de merz
La Junta provinziala á aprové incö (ai 22 de merz) le dessëgn de lege de reforma dla scora. I assessurs provinziai söl’istruziun Florian Mussner, Christian Tommasini y Philipp Achammer presentará les mudaziuns plü importantes en jöbia ai 24 de merz a Balsan.
-
Bruxelles, Kompatscher: „Atach ala democrazia, defenun nüsc valurs“
Do la sentada dla Junta provinziala de incö (ai 22 de merz) á le presidënt Arno Kompatscher fat na detlaraziun söi atentac de terorism a Bruxelles. „Al se trata de n atach ala democazia, al’Europa y a nüsc valurs – á dit le presidënt – y i sun damaná da i defëne cun vigni meso.“
-
Mobilité y tëmp lëde, l’EuregioFamilyPass vëgn arjigné ca
Amplié les funzionalités dl Südtirol Pass family por ti consintí ales familes da anuzé i mesi dl trasport publich local y da aprofité de reduziuns de prisc pro l’adoranza de strotöres por le tëmp lëde tl Tirol, tl Südtirol y tl Trentin: chësc é l’obietif prinzipal dl’EuregioFamilyPass. La Junta provinziala á aprové incö (22 de merz) le proiet dl layout dla cherta.