Atualità
-
Incuntada danter sorbs y ladins por se confrontè sön les mendranzes
USP - Da püch à na rapresentaziun dla mendranza slava di sorbs vijité le Südtirol. Por podëi conësce plü daimprò la realté dles mendranzes tl Südtirol él gnü organisé danter l’ater inće na vijita al Museum Ladin “Ćiastel de Tor” a San Martin y ala galaria d’ert “Unika” a Urtijëi.
-
Conf.stampa ai 23 de jügn dl assessur Tommasini sön les operes stradales
La conferënza stampa de presentaziun dl program dles operes stradales di proscimi cinch agn gnarà tignida en lönesc, ai 23 de jügn dales 10.30 tl Palaz provinzial 2 (secunda alzada, ofize 205), plaza Silvius Magnago 10 a Balsan
-
L’aziun „No Credit“ röia inće tles valades ladines
USP - Indoman, jöbia ai 19 de jügn, pëia ia la terza aziun dla campagna de sensibilisaziun por i motoziclisć sön les strades te döt le Südtirol: en jöbia (19 de jügn) sciöche en sabeda (22 de jügn) gnaràl partì fora inće sön i jus dles Dolomites flyers cun informaziuns sön i comportamënć sigüsc sön strada.
-
Euregio:Rëi por les universitês y plata internet sön la pröma vera mondiala
USP - Na maiù colaboraziun, dantadöt tl ćiamp dl’archirida, danter les provinzies dl Tirol, Südtirol y Trentino: chësc é stè un di azënć dl’incuntada da inier, mertesc ai 17 de jügn a Desproch di trëi presidënć dles provinzies Günther Platter, Arno Kompatscher y Ugo Rossi adöm cun i returs dles universitês de Desproch, Balsan y Trënt.
-
Operes stradales: L’entrada tla Val Badia é tla lista dles prioritês
USP - Danter l’ater à la Junta provinziala aprovè incö le program por la realisaziun dles operes publiches sön strada por i proscimi cinch agn: insciö él gnü inserì sön la lista cun la majera priorité l’entrada dla strada tla Val Badia dala strada statala a San Laurënz, che dess gnì scrita fora tl 2015.
-
Dala Junta: Partezipaziun al finanziamënt dl zënter de documentaziun
Na dezijiun tuta incö, mertesc ai 17 de jügn, tratan la sentada dla Junta provinziala é stada l’aprovaziun dla partezipaziun al finanziamënt da pert dla provinzia ales spëises por la gestiun dl zënter de documentaziun sot le monumënt dla Vittoria a Balsan.
-
Ejams finai dles scores ladines: Indoman la pröma proa
USP – Indöt 272 mituns y mitans à metü man en sabeda, ai 14 de jügn i ejams finai dla scora mesana. Tles cater scores altes te Gherdëna y tla Val Badia él indöt 82 scolars che fajarà en jöbia, ai 18 de jügn la pröma proa scrita di ejams de maturité.
-
Corieres sura le Ju de Rombo: La sajun da d’isté à metü man
USP – Dai 15 de jügn inant vara indô da tó les corieres de coliamënt suraregional che porta dala Val Passiria sura le Ju dl Rombo ćina tla pert austriaca de Sölden. Le proiet suraregional dl Südtirol y dl Tirol é pié ia dan da dui agn y é bele gnü anuzé te dui istà dötadöm 35.000 passajiers (20.000 ma tl 2013).
-
Ass.a Stocker sön le dé mondial cuntra la violënza sön la jënt atempada
Usp – En ocajiun dl Dé mondial cuntra la violënza sön les porsones atempades recorda l’assessuria Martha Stocker les scomenciadies locales dl proiet interregional “Violënza tla vedla eté” danter Südtirol y Tirol. Le fin dl proiet é la sensibilisaziun dla popolaziun. “Les vitimes y düć i testemoni de violënza sön jënt atempada dess segnalè vigni maltratamënt telefonan al numer vërt”, dij Stocker.
-
Alfabetisaziun de migranć: presentaziun dl liber ai 19 de jügn
“Nix lesen, nix schreiben, nix gut”: Chësc é le titul dl liber che é gnü publiché dal Ofize Formaziun Permanënta dl Departimënt Cultura todëscia adöm ala organisaziun “Alpha Beta – Piccadilly” y che à sciöche tematica prinzipala l’alfabetisaziun de migranć. Le liber gnarà presentè la proscima jöbia, ai 19 de jügn da öna dles auturies adöm cun l’assessur por l’integraziun Philipp Achammer.
