Atualità
-
La fibra otica ie ruveda a Al Plan (cun AUDIO y VIDEO)
L internet aslune à arjont Al Plan de Mareo. Te na culaburazion danter Provinzia, RAS y la sozietà dla furnadoies de Al Plan iel stat mesun ruvé cun i cabli de fibra otica nchin pra la zentrela dal telefonn. La Telecom à bele fat si pert di lëures y te diesc dis puderala dé ora i cuntrac. L taché ite de Al Plan ala rë de internet aslune ie unì prejentà (NCUEI) ai 6 de agost dal assessëur Florian Mussner.
-
Premier Letta y l presidënt Durnwalder à sotscrì n’acurdanza per ngrandì l’Autonomia
L’acurdanza sotscrita (NSNUET), ai 5 de agost a Bulsan dal presidënt di ministri Enrico Letta ie aldò de Durnwalder n sëni de crëta per na pitla realtà. La mostra su la streda dla culaburazion danter Bulsan y Roma, metan dant obietives per n tëmp plu curt y n tëmp mesan: dala cumiscions per l’autonomia nchin a na regulamentazion nueva dla finanzes.
-
Bilanz de legislatura dl assessëur Florian Mussner
La RAI ladina, stieres per i ladins, l mantenimënt y ressanamënt (energetich) mpede frabiché da nuef, la mpurtanza strategica dl internet aslune, miëur priejes dl strom, la ublianza de Cësa tlima “A” y Saslonch - Sela tl arpejon Dolomites Unesco ie stai argumënc che l assessëur Florian Mussner à purtà dant te si bilanz de legislatura ai 5 de agost a Urtijëi.
-
Florian Mussner (3/3): priejes dl strom, Cësa tlima y Unesco
La politica dl’energia ie de plu che la SEL, l vën laurà per pité miëur priejes dl strom y la ublianza de Cësa tlima “A” per frabiches nueves, muessa mo unì penseda sëura: chësc à l assessëur Florian Mussner stlarì te si ancunteda cun jurnalisć’ (NCUEI) ai 05 de agost a Urtijëi. L assessëur se damanda che l ne vënie nia me tëut su la grupa dl Saslonch, ma nce la grupa dl Sela tl raion recunesciù dal Unesco.
-
Florian Mussner (2/3): internet aslune y lëures publics
Sibe pra la stredes, che pra la scoles, cëses publiches o spediei: l assessorat ai lëures publics senterà tl daunì de plu sun l mantenimënt y l ressanamënt (energetich). L lëur de majera mpurtanza strategica, nsci l assessëur Florian Mussner (NCUEI) pra si ancunteda ala fin de legislatura cun jurnalisc, ie l ngrandimënt dla rë de internet aslune. Nchin ala fin dl 2013 arà la Provinzia arjont duc i chemuns cun la fibra otica.
-
Florian Mussner (1/3): RAI, jëuni y rujenedes (CUN AUDIO)
La RAI ladina, stieres per i jëuni de nosta valedes y la posizion dla scola y cultura ladina ie stai i argumënc prinzipei, de nteres ladin, che l assessëur Florian Mussner à tratà te si ancunteda cun i jurnalisć (NCUEI) ai 05 de agost a Urtijëi.
-
5 de agost: bilanz de legislatura dl assessëur Mussner a Urtijëi
Mo dan che l tëmp de legislatura 2008-13 va a piz, tën l assessëur provinziel ladin Florian Mussner n’acunteda cun i jurnalisć per fé n bilanz di ultimi cin ani. Pra l’acunteda tla Cësa di studënc a Urtijëi uniral rujenà i majeri agrumënc te si ciamp de cumpetënza y nce cialà danora.
-
Internet aslöm tla Val Badia: ai 6 d'agost ativaziun dla zentrala a Al Plan
I laûrs por portè l’internet aslöm tla Val Badia va inant: la Provinzia se crüzia da arjigné ca la rëi ćina ti paîsc, i comuns laôra fora masterplanns por la destribuziun ti paîsc, tratan che la Telecom y la RAS modernisëia les zentrales. En mertesc ai 6 d’agost gnaràl ativé la zentrala d’Al Plan de Mareo cun l’assessur Florian Mussner.
-
Trëi studi per garantì segurëza sun la streda de Frea
Per abiné na soluzion realisticia acioche n possa nce d’inviern passé uni di l jëuf de Frea iel tl Assessorat provinziel ai lëures publics unì laurà ora trëi studi. L assessëur Florian Mussner i à prejentei ai ambolc de Corvara y Sëlva.
-
Plata de nfurmazion sun la veles provinzieles ie online
Ai 27 de utober uniral lità l Cunsëi provinziel nuef. Co che l unirà lità, chi che puderà unì lità, ciunes che ie la dates per i partic y duta l’autra nfurmazions n cont dla veles ie śën da giapé tl internet sun la plata http://lites.provinzia.bz.it I cuntenuc ie unic anjeniei tla trëi rujenedes provinzieles. Sëuraprò ala plates web, vëniel chëst iede per l prim iede nce dat nfurmazion tres twitter y facebook.