Atualità
-
Populazion for plu vedla: i resultac dla cumpededa dla jënt
For plu fulestieres, na populazion che devënta for plu vedla y la families for plu pitles: chisc ie trend prinzipei che n possa liejer ora dai truep resultac dla cumpededa dla jënt che ie unic prejentei (NCUEI) ai 15 de mei a Bulsan. “Aldò di resultac statistics muessa la politica tò i pruvedimënc per seguré l daunì” à dit l presidënt dla Provinzia Durnwalder.
-
Urchestra sinfonica di jëuni chier musizisć
L’Urchestra sinfonica di jëuni dl Südtirol chier jëuni y jëunes de duta la grupes de rujeneda. L possa fé pea jëuni strumentisć da 14 a 24 ani.
-
Ai 22 de mei vijita al cantier dl spedel nuef a Bulsan
Tl raion de Moritzing a Bulsan vëniel frabicà n spedel nuef. Per udëi co che va inant i lëures vijitea l presidënt dla Provinzia Durnwalder cun i assessëures Florian Mussner y Richard Theiner n mierculdi ai 22 de mei l cantier.
-
Economia y sozietà: materiai nueves per l nseniamënt dl ladin
Al’economia y ala sozietà ie dedicà n cudejel nuef per l nseniamënt dla rujeneda ladina tla soles autes. Chësta publicazion dl Servisc Inovazion y Consulënza dl Departimënt Educazion y Cultura Ladina ie la prima de na lingia de materiai didatics sun la storia ladina. L cudejel ie n sustëni al nseniamënt de ladin, che ie unì aumëntà tla scoles autes.
-
Autonomia y manco burocrazia: Mussner dal Minister Orlando
Lascé lauré cun manco burocrazia, soluzions pragmatiches y l respet per l’aministrazions autonomes: chësc se à l assessëur al ambient Florian Mussner (NCUEI) ai 14 de mei damandà dal minister al ambient Andrea Orlando. L’ancunteda a Roma ie stata ucajion dl prim cuntat persunel danter la Jonta proviinziela de Bulsan y l Guviern talian nuef.
-
Dala senteda dla Jonta provinziela dl 13 de mei
L statut dl’agenzia per cuntroi de cuatieres cunvenzionei, la presidënza dla fundazion Dolomites-Unesco cun l program da pert dla Provinzia de Bulsan (Saslonch y Sella) y la dezijion de spënjer la ntroduzion dl daz sun la streda dl Stelvio: chisc ie stai i ponc de majer nteres tratei dala Jonta provinziela ai 13 de mei y prejentei te cunferënza stampa dal presidënt Luis Durnwalder.
-
Chëst ann degun daz sun l Stelvio
L daz udù dant per la streda dl jëuf dl Stelvio/Stilfs ne unirà chëst ann nia tëut ite. Chësc ie (NCUEI) ai 13 de mei unì fat ora dala Jonta provinziela davia che l ie mo melsegurëzes giuridiches y de carater urganisatif. Tan giut che la cuestions ne ie nia stlarides, ne al – aldò dl presidënt Durnwalder – degun bert a scumencé cun l daz sun l Stelvio.
-
Provinzia de Bulsan sëurantol la presidënza dla fundazion Dolomites-Unesco
Da (NCUEI) ai 13 de mei sëurantol la Provinzia de Bulsan la presidënza dla fundazion Dolomites-Unesco per i proscimi trëi ani. La Jonta provinziela à dat pro de spënder chëst ann 285.000 euro per l’arpejon mundiela. Sun l program de lëur iel i obietives de tò ite Saslonch y Mëisules tl raion recunesciù dal Unesco.
-
Agenzia nueva per cuntroi de cuatieres cunvenzionei possa mëter man
La Jonta provinziela de Bulsan à (NCUEI) ai 13 de mei dat pro l regulamënt de esecuzion dl’agenzia nueva che cialerà do i cuatieres cunvenzionei. Pernan che l unirà metù a jì l’urganisazion dl’agenzia puderà scumencé l’atività de cuntrol.
-
Cuntribuc provinziei a 97 scumenciadives cultureles ladines
Te si segonda senteda da chëst ann à la Cunsulta provinziela per la cultura ladina dat si bënsté a cuntribuc culturei per na soma de 63.500 euro. Per l ann 2013 iel nchinamò unì dat pro n sustëni finanziel da pert dla Provinzia de Bulsan per de ndut 97 scumenciadives, dutes tl ciamp dla Cultura Ladina.