Atualità
-
Durnwalder y Mussner tl Istitut Ladin Micurà de Rü per cunscidré l’atività
USP - L’atività y la ndesfidedes dl Istitut Ladin Micurà de Rü ie (INIER) ai 19 de fauré stat tl zënter de n’ancunteda cun l presidënt dla Provinzia Luis Durnwalder y l assessëur ladin Florian Mussner. L ie stat l prim iede che i espunënc dla Jonta provinziela ie jic tl Istitut ladin a San Martin per n cunfront sun l’atività dl Istitut culturel ladin y si funzion per la rujeneda ladina.
-
Veles provinzieles ai 27 de utober 2013
USP – La veles di cunsëies provinziei de Bulsan y de Trënt unirà tenides chëst ann, ai 27 de utober. Chësta data ie unida data pro dai doi presidënc de provinzia Luis Durnwalder y Alberto Pacher.
-
Premià i proiec per la capitela culturela 2019
USP – Per la miëura ideies dl cuncors metù a jì dal Cumité de candidatura per la capitela culturela 2019, iel (NCUEI) ai 18 de fauré unì sëurandata i pesć. Per i miëur diesc proiec à i assessëures provinziei ala cultura sëurandat 4500 euro per un.
-
Dala senteda dla Jonta provinziela dl 18 de fauré
L program dla stredes y dla frabiches, l’acurdanza per stazions dla ferata nueves y na mudazion al regulamënt per maestri de schi ie stai i argumënc de majer nteres da pont de ududa ladin, ora dla senteda dla Jonta provinziela, che l presidënt Durnwalder à prejentà te cunferënza stampa.
-
Jonta provinziela azetea program di lëures publics da 150 milion
USP – Per stredes y frabiches dla Provinzia iel per chëst ann unì prugramà lëures per n custimënt de passa 150 milion de euro. La Jonta provinziela à (NCUEI) ai 18 de fauré dat pro i programs prejentei dal assessëur Mussner.
-
Mudazion al regulamënt per maestri de schi
USP - La Jonta provinziela à cialà de defënder i maestri de schi da tlo te chëla che la ti à metù sëides a chëi da oradecà. Sun ntervënt dla Union Europea à la Jonta (NCUEI) ai 18 de fauré messù adaté l regulamënt an na maniera che i maestri de schi che vën da n paesc europeich possa nce tl Südtirol ti jì do a si mestier zënza limitazion.
-
Acurdanza danter Jonta provinziela y RFI per stazions nueves
USP – Pra l spedel de Burnech, a Vierschach y a Bulsan tl raion Kaiserau/Casanova possel unì fat stazions dla ferata nueves. La Jonta provinziela à (NCUEI) ai 18 de fauré azetà l’acurdanza cun la sozietà rë dla ferata RFI. Pert de chësta acurdanza ie nce n miuramënt dla ncrujeda cun la streda de Sigmundskron.
-
Bedaia mundiela per Mölgg, auguresc da Durnwalder y Mussner
USP – Manfred Mölgg à venciù la bedaia de bront de slalom lerch pra i campionac dl mond a Schladming. L presidënt dla Provinzia Luis Durnwalder y l assessëur ladin Florian Mussner fej auguresc al atlet de Al Plan de Mareo per chësc gran suzes (da NCUEI) de n vënderdi 15 de fauré.
-
Model de sparani per n cuatier: Jonta provinziela anconta Pensplan
USP – Se stizan sun l fond de pension sëuraprò uel la Jonta provinziela mëter su n model de sparani per ruvé pra n cuatier. Co che pudëssa unì a cialé ora chësc model, à la Jonta provinziela (NCUEI) ai 11 de fauré tratà deberieda cun i respunsabl dl Pensplan. L presidënt dla Provinzia Durnwalder à cunedì che ntan la proscima trëi o cater enes uelen purté dant na pruposta cuncreta.
-
Jonta provinziela mët na sëida ala smueia de Badia
USP – Al raion a Badia che de dezëmber ie unì tucà dala gran smueia, ti à Jonta provinziela (NCUEI) ai 11 de fauré metù na sëida. Chësta sëida ie de bujën acioche la jënt tucheda posse giapé aiuc dala man publica.