Atualità

USP - Tla senteda dla Jonta provinziela iel (NCUEI) ai 03 de dezëmber unì tratà la cuestion di joi da Bulsan a Roma y che l posse prësc inò unì julà.

USP – Reprejentanc de duc i sindacac y dl’assoziazions di mprenditëures ie (NCUEI) ai 03 de dezëmber stai gesć tla senteda dla Jonta provinziela. Do na descuscion plu sota iesen ruvei a una de nvië via na culaburazion plu strënta per lauré ora criteries nueves per i proscimi ani.

USP – Davia che l marcià da tlo ne ie nia plu bon de tò jù duc i prudoc y servijes dl Südtirol, se mpënia la Jonta provinziela de sustenì l export. Tla senteda da (NCUEI) ai 03 de dezëmber iel unì dat pro de judé a finanzië cunsulënc che dëssa fé da persona de referimënt ti paejes de export.

USP – La tradizion particulera de cianté y suné l Avënt che ie unida tramandeda ti luesc ladins unirà n vënderdi ai 14 de dezëmber purteda dant tl Dom de Bulsan. Sun nvit dl Assessorat provinziel ladin dajerà sies grupes di luesc ladins n cunzert d’Avënt.

USP – N ucajion dl di nternaziunel dl ulentariat, ai prim de dezëmber, ie set ulenteres unic unerei per si merit a inuem dla gran cumpëida de ulenteres te duta la provinzia de Bulsan. Danter chisc nce Valentin Erlacher y Otto Senoner. La uneranzes ie unides sëurandates dal presidënt dla Provinzia Luis Durnwalder che à sorissà la mpurtanza de sustenì l ulentariat che ie de gran valor per la populazion.

USP – Ultimamënter ie la plates web dla Provinzia, la Rë zivica, unides vijiteda nchin a 30.000.000 iedesc al ann. Śën ie chësta plates unides anjeniedes nce tla rujeneda ladina. N mierculdi ai 05 de dezëmber les meterà l assessëur ladin Florian Mussner online.

USP – I tlarineć dl Cuartet “Badia” presentarà pro le conzert d’Advënt di grups ladins a Balsan l’atmosfera particolara di stromënć a fle. I cater tlarinetisć sonarà ai 14 de dezëmber tl Dom de Balsan deboriada cun ćiamò cin d’atri grups pro n conzert che s’à tut dant da presentè la tradiziun ladina de ćiantè y sonè l’Advënt.

USP – N merdi ai 4 de dezëmber gëura tl Tublà da Nives te Sëlva la mostra dedicheda al mestier dl chelner. Chësta mostra dal titul “Cie ëis’a gën? Sie wünschen? Desidera?” ie unida a se l dé te na culaburazion danter l Touriseum che à fat la mostra, l Museum Ladin Ćiastel de Tor y la lia culturela Tublà da Nives.

USP – Ntan l 2012 iel tres l’Assessorat provinziel ladin unì sustenì l mpëni dla jënt per la cultura ladina cun 1.345.422 euro. La Cunsulta culturela ladina à (INIER) ai 28 de nuvëmber dat pro i ultimi cuntribuc per chëst ann. Nce sce l’aministrazion publica ie sfurzeda a sparanië, iel chëst ann stat mesun mantenì l livel de sustëni finanziel per la lies sciche l ann passà.

USP - Dan da 150 agn nasciôl a La Pli de Mareo Angelo Trebo, un di poeć ladins plü importanć. Por l comemorè vëgnel en sabeda ai 1. de dezëmber tignì n conzert dales 16 tla a La Pli de Mareo.