Atualità

USP – 14 produzions de films giaterà n sustëni dala Provinzia. Chësta dezijion à la Jonta provinziela tëut do che l fova unì mandà ite la dumandes per la terza pert dl sustëni finanziel. Cun chësc pruvedimënt vëniel dat n sustëni a produtëures y atëures da tlo, arjunjan nce che l Südtirol sibe for inò da udëi te films.

USP – Tla Provinzia de Bulsan iel belau 8000 persones zënza y la cuota ie ultimamënter cresciuda al 3,7%. La Jonta provinziela se à te si senteda (da NCUEI) dl 05 de nuvëmber dat ju cun pruvedimënc per tenì permez a chësc trend y acioche de plu jënt ruve nsci pra na stiera. Chi che ie zënza lëur messerà azeté cie che ti vën cunsià dal ufize dl lëur y nsci se adaté mo de plu al marcià dl lëur.

USP – L’azienda de rediotelevijion RAS pieta dal 15 de nuvëmber l program culturel ORF III sëuraprò. L canal de televijion trata dantaldut cultura, ntraunides d’atualità, scienza, nfurmazion y ntegrazion europea. Leprò uniral nce mustrà trëi programs te na mo miëura cualità visuela.

USP – En domënia ai 28 d’otober vëgnel tignì le gran batadù tl Museum Ladin Ćiastel de Tor deboriada cun l’Uniun di Stödafüch da San Martin de Tor. L’incuntada é dales 13.30, dailò vëgnel inće tut sö les iscriziuns y fat l’estraziun di grups.

USP - L’opera “Al confine. Sette luoghi di transito in Tirolo, Alto Adige e Trentino / An der Grenze. Sieben Orte des Übergangs in Tirol, Südtirol und im Trentino” é le proiet dl grup de laûr "Storia e regione / Geschichte und Region" en colaboraziun cun l’Université de Desproch, l’Université de Trënt, l’Archif dla Provinzia y la ”Fondazione Museo Storico del Trentino” y vëgn dada fora da: Andrea Di Michele, Emanuela Renzetti, Ingo Schneider y Siglinde Clementi. La presentaziun ai 8 de novëmber tla biblioteca provinziala Teßmann a Balsan, scomëncia dales 20.00.

USP – Melsegurëzes de dërt? N amunimënt da Brüssel? Ultimamënter iel ncantëur ciacules sun i ejams de bi- y trilinguism dla Provinzia, che ne stimenea nia. La legitimità di ejams ie nce unì segureda tres na sentënza dla Suneria de giustizia europea. Purempò vëniel laurà a na reforma di ejams cun l fin de n recunescimënt generel di diploms.

USP – N sada ai 27 de utober gëura tl zënter per Jëuni, Ert y Cultura a Urtijëi la mostra dl pitëur y scritëur Franz j. Noflaner. 23 ani do si mort prejënta l Museum Ladin deberieda cun la Lia Mostra d’Ert chësta mostra per dé na sëuravijion de si pitures, dessënies y opres scrites. La mostra „Dejidré, cialé, nmaruië“ unirà giaurida dala 10:30 danmesdì.

USP – Cun na dessënia de pruvedimënc uel la Jonta provinziela dé mpulsc nueves al’economia dl Südtirol. L pachetl per l’economia ie unì prejentà (NCUEI) ai 23 de utober dal assessëur Thomas Widmann che à dat pëis al sustëni dl export, la reforma di raions de produzion, l ruvé pra capital de resieda y l mëter a jì stieres per lerneri.

USP – Riesc do che la Jonta provinziela à dat pro de tlamé l’aministrazion dla scoles de mujiga “tudësces y ladines”, à i assessëures provinziei Florian Mussner y Sabina Kasslatter Mur (INIER) ai 22 de utober sotscrì l’acurdanza per mené la scoles de mujiga ti luesc ladins.

N sistem nuef per sëurandé cunzescions da fé strom, zëntri de cumpetënza per la cures dl tumor, n sustëni a Cortina per mëter inò a jì l liber fundier y la puscibltà a jëuni sot a 15 ani de mparé a cunëscer l mond dl lëur ie stai i ponc zentri dla senteda dla Jonta provinziela ai 22 de utober. I resultac ie unic prejentei dal presidënt dla Provinzia Luis Durnwalder riesc do la senteda te na cunferënza stampa.